Chapter 134

Parang masukal ang aking dinadaanang lugar, subalit ang aking mga paa, ay hindi sumasayad sa lupa. Nakalutang lang ako sa kawalan habang binabaybay ang naturang daanan.

May mga tinig na tumatawag sa akin. Iba ibang boses iyon, may babae at lalaki. Parang mga nag uusap usap.

Iminulat ko ang aking mga mata, mga nakaputing tao ang aking nakikita.

"Nasaan ako?" mahina kong tanong, "a-anong ginagawa ko dito?"

"Good morning, sir... tatawagin ko lang sina doc," sabi ng babaeng nakaputi, mabilis na lumabas ng silid.

Naguguluhan pa rin ako, pilit na inaalala kung nasaan ako at bakit ako narito. Pumikit ako, pinilit kong kabisahin ang paligid, pero ang aking isipan ay tila naglalakad sa makapal na ulap.

Maya-maya, narinig ko ang mga yabag na nagmamadali, tila nag-uunahan patungo sa aking kinaroroonan. Bumilis ang tibok ng puso ko, puno ng kaba at katanungan. Mula sa mga bintana, nakita ko ang mga anino ng mga taong papalapit. Naramdaman kong tila may lumulutang na takot sa hangin, pa