CHAPTER 69: Shattered Heart

JANINA MARIE

Hindi ako makilala ni Xavier. Buong akala niya ay si Rhian pa rin ang karelasyon niya. Ito ang hinahanap niya, ito ang iniisip niya, at ito ang madalas bukang-bibig niya. Ang higit na nakapagtataka ay ang pagbabago rin ng kaniyang kilos. Ang pilantik ng kaniyang mga kamay, ang hinhin ng kaniyang tinig at ang kagustuhan niyang magsuot ng mga pambabae kaysa panlalaki ay talagang nakapagtataka.

“Ito ba ang epekto ng ginawang operasyon sa kaniya, Mommy?” tanong ko kay Ma’am Levy.

Napatango ang ginang. Nakayuko siya at hindi halos makatingin sa akin.

“Please pardon me, Janina. I didn’t know what to tell or how to tell you about these sudden changes. Iyon ang dahilan kaya hindi muna kita pinapapasok sa loob. Ayaw ko kasing makitang masaktan ka,” paliwanag niya.

“Sana sinabi n’yo na lang po ang totoo.”

Nanghihina na umupo na lang ako sa isang bakanteng upuan na nasa likuran ko. Hindi na ako nagsalita pa. Sa halip ay hinayaan ko na lang ang aking sarili na ilabas ang lahat n