CHAPTER 74: Life Without a Husband

JANINA MARIE

Namutla si Nanay Elsa nang nagsalita na ako sa likuran n’ya. Agad niyang pinatay ang tawag at nagkunwari na para bang walang nangyari. Subalit wala akong planong palampasin ang lahat. Galit na kinompronta ko ang matandang pilit na ngumingiti sa harapan ko.

“JM, huwag mo akong husgahan dahil lang sa narinig mo,” pakiusap sa akin ni Nanay Elsa.

“Kung ayaw ninyong mag-isip ako ng hindi maganda, magiging honest po kayo sa akin. Gusto kong malaman kung sino ang kausap mo at bakit kailangan mo pang sabihin sa kaniya ang lahat ng tungkol sa amin ng mga bata.” Pinipilit kong maging mahinahon dahil kahit paano ay alam kong marami na rin ang naitulong sa akin ni Nanay Elsa.

“JM, pasensya na pero wala akong masamang intensyon sa pakikipag-usap sa iba tungkol sa inyo ng mga bata. Ang totoo ay si Ma’am Levy ang kausap ko.”

Nang narinig ko ang pangalan ng mommy ni Xavier ay hindi na ako kumibo. Pumasok ako sa silid namin ng mga bata at tinawagan ko ang aking biyenan na babae