CHAPTER 71: Spy

JANINA MARIE

Kahit alam kong hindi tunay na magkapatid sina Xavier at Rhian ay iyon ang ginamit kong alas laban kay Rhian. Hindi dapat malaman ng babae na iyon na ampon lang siya. Sa ngayon, gagamitin ko munang sandata ang kasinungalingan na iyon para maipanalo ko ang laban. Saka ko na iisipin ang kahihinatnan ng action na ginawa ko.

Buong akala ko kaya ako pinabalik ni Xavier sa mansion nila ay dahil may naalala na siya, subalit gusto lang pala niyang sabihin sa akin na umalis na raw ako sa bahay naming mag-asawa. Hinintay kung magsalita si Ma’am Levy para mapigilan ang anak n'ya sa gusto nito pero wala man lang siyang sinabi na kahit ano. Hindi ko tuloy alam kung ano ba talaga ang pinaplano niya o ni Xavier.

Ang isip ko ay sinasabing kalaban din ang mommy ni Xavier pero sa tuwing tumitingin naman ako sa mga mata niya ay iba ang nakikita ko. Madalas din siyang humingi ng tawad sa akin.

Isang araw ay muli akong dumalaw sa mansion ng mga Montefona. Tulog daw si Xavier at ayaw pa-isto