CHAPTER 56: Wishes

JANINA MARIE

Isang malalim na buntong-hininga ang pinakawalan ko. Wala nang katahimikan ang buhay ko. Nagiging worse ang situation sa araw-araw. Kahit alam kong nasa tabi ko lang si Xavier ay pakiramdam ko hindi nauubos ang mga problema namin.

Hindi ko na gustong gumanti sa ginawa ni Jake kay Lolo dahil alam kong mauuwi lang sa walang katapusan na away at patayan ang lahat. Subalit ang kawalan niya ng puso ang nag-uudyok sa akin para gamitin ang lahat ng resources na meron ako para pagbayarin siya at tapusin ang kasamaan niya.

"Nanay Elsa, para sa safety ni Jude, gusto kong itago n’yo na muna ang anak ko,” pakiusap ko sa taong pinagkatiwalaan ni Lolo. Masakit man para sa akin na malayo sa anak ko, batid kong nasa panganib ang buhay niya kaya ang kapakanan niya muna ang iisipin ko at saka na ang nararamdaman ko.

Niyakap ako ni nanay Elsa. Batid kong dama niya ang sakit na nararamdaman ko dahil isa rin siyang ina na minsan ay nawalay din daw sa anak niya. Ikinulong niya ang pisngi k