Kabanata 15.2

“At sino ka naman? Nangingialam ka sa away ng babae.” Nagtatapang-tapangan niyang saad kahit na halata namang natatakot na rin siya. Sumilay ang isang ngisi sa labi ni Ace saka diretsong tiningnan sa mga mata si Karen.

“Guess who? Ang kaisa-isang pinsan ni Aiden.” Napaisip pa si Karen kung sinong pinsan ni Sir Aiden. Kaisa-isa? ibig sabihin maliit lang talaga ang pamilya nila?

“S-Siya si, siya si Sir Ace. Bahala ka na diyan Karen!” mabilis na tumakbo ang dalawa niyang kasama nang makilala na nila si Ace. Dahan-dahan namang umatras si Karen.

“Minsan ko pang maabutan na ginagawa niyo ito kay Mia at minsan pang malaman at marinig ko sa ibang empleyado rito, magtago ka na.” seryoso niyang saad kay Karen, mabilis na tumakbo si Karen papalayo sa aming dalawa. Masyado niya naman ng tinakot. Napabuga na lang ako ng hangin, hindi ko pa rin makontrol ang sarili ko pagdating sa buhay ko. Masyado ng personalan ang mga sinasabi nila, makakaya ko naman kapag tungkol lang sa relasyon namin ni Sir Ai