50 - Bugso Ng Damdamin

Charlotte POV

Nang natapos siya sa pagkain, siya na rin ang nagligpit habang nasa itaas pa si Elijah. Hinugasan na rin niya ang pinggan at mga ginamit ni Elijah sa pagluluto, pagkatapos ay nagpunas lang siya ng kamay sa bimpo na nakasabit sa gilid ng refrigerator bago siya naglakad papunta sa itaas. Nagtataka siya dahil hindi na bumaba pa si Elijah.

Pag tungtong niya ng huling baitang ng hagdan papunta sa itaas, nakita niya si Elijah na nakahiga at nakapikit.

Pagod ba si Elijah o inaantok na?

Lumapit siya at sinilip ang mukha nito. Nakalaylay ang dalawang paa habang nakahiga ang kalahati ng katawan sa kama.

"Elijah," tawag niya dito ng mahina, pero hindi rin nagising. "Umayos ka na ng higa para hindi ka mangawit." Tinulak niya ang braso nito para magising.

Dumilat naman si Elijah sandali, pero pumikit din. "Hoy! Umayos ka na ng higa kung inaantok ka na talaga."

Umupo naman ito na may inaantok na mata. Habang nakatayo at nakatingin kay Elijah ay hindi naman nito inalis ang pagkakatitig