Kabanata 3.

Eliha's POV:

Nagising ako dahil sa sobrang init at sa pawis ko na tumutulo. Napangiti akong umupo sa kama dahil alam kong nasa bahay na ako. Pero nagulat ako dahil nasa isang madilim na kwarto ako habang nakaupo sa malaking kama. Tanging kandila lang ang nagbibigay ng liwanag. Ganito 'yung..

"Aking mahal, gising ka na pala," bulong ng isang lalaki sa likod ko. Kinilabutan ako dahil narinig ko na ang boses niya.

Dahan-dahan akong lumingon. Pagkalingon ko ay nakita ko ang.. ang lalaking pinakasalan ko. Grabe, kasing pula ng kanyang mga mata ang kanyang labi. At magulo ang kanyang buhok.

Bigla siyang ngumiti. Natakot ako dahil ang haba ng pangil niya.

"Handa ka na bang idiin ko ang aking pagmamahal sa iyong pagkababae, aking mahal?"

A-ano r-raw?

Nagulat ako nang bigla niya akong yakapin. Dahan-dahan niyang hinawakan ang aking braso sabay pinisil. Pero hindi ako komportable kaya kaagad ko siyang tinulak.

"Stop!" malakas na sigaw ko, "mainit kasi rito! Wala man lang hangin. Wala bang electric fan dito or aircon?"

"Ano ang iyong sinasabi, aking asawa? Saglit, bubuksan ko ang bintana para makapasok ang hangin." Naglakad siya papalapit sa bintana sabay binuksan ito. Nakita ko na gabi na, akala ko ay umaga na. Sana nga ay panaginip lang 'to.

"Eliha, alam ko na batid mo na ako'y isang bampira at ikaw ay isang mangkukulam."

"Ano?! Kailan pa ako naging mangkukulam?"

"Anak ka ng isang mangkukulam na si Eliza. Ngunit, tila ba'y kakaiba ang iyong pananalita. At napansin ko rin na ikaw ay mayroong takot sa-"

"Keegan!" sigaw ko sa harapan niya.

"Ano ang maipaglilingkod ko, aking mahal?"

Nakakapanghina naman kapag tinatawag niya akong mahal. Nawawala ang angas ko sa lalaking 'to.

"Kasal na tayo... so honeymoon ang kasunod 'no?"

"Ano'ng honeymoon ang iyong sinasabi, Eliha? Anong lengguwahe iyon?"

Grabe, bakit wala siyang alam?

"'Yon bang mayroong nangyayari sa mag-asawa. 'Yong nagkakaisa ang kanilang katawan-"

"Iyon ang gagawin natin kanina, aking Eliha. Pero napansin ko na ikaw ay takot sa akin at hindi pa handa kaya naman huwag kang mag-alala dahil nirerespeto kita. Hindi ko habol ang iyong katawan sapagkat kahit wala kang kaluluwa ay iyon ang minahal ko sa 'yo."

A-ano? Kailan pa ako nawalan ng kaluluwa? Pero sabi niya ay witch ako. Ang gulo ng bampirang 'to!

"Teka! Nasaan ba talaga ako, Keegan?"

"Hindi mo nababatid aking asawa? Nasa Dipsa Chupar Vampire World tayo."

Dipsa.. nabasa ko na 'to, ah?

"Uminom na muna tayo, mahal." Hinawakan niya ako sa bewang sabay binuhat. Naamoy ko ang amoy niya. Hindi siya amoy bangkay, amoy baby siya. Pero natatakot pa rin ako.

Nang makalabas kami ay bumungad sa akin ang isang malaking bahay. Kung ang library na ipinagawa ni Mama ay brown vintage, ang bahay naman nila ay vintage rin pero kulay itim.

"Nandito tayo ngayon sa Vampyres mansion, Eliha. Halika, ipapakilala kita sa aking mga magulang." Mahigpit niyang hinawakan ang kamay ko sabay hinalikan.

Woah, naramdaman ko na mahal na mahal ako ni Keegan. Pero gusto kong makatakas sa panaginip na 'to.

"Buong buhay ko ba ay ang tangi ko na lang gagawin ay ang tumakas?!" malakas na sigaw ko dahil sa sobrang sama ng loob ko.

"Eliha, ano ang iyong suliranin? Bakit ikaw ay sumigaw na may hinagpis?"

Nang tingnan ko ang babaeng nagsalita ay nagulat ako dahil mas maputi pa siya kay Keegan. May kasama rin siya na isang lalaki na katulad niya ng kulay. Parehas silang may magandang mukha.

Nasa kitchen kami. Pero ang kitchen nila ay nakakatakot dahil maraming kandila. At lahat ng gamit ay kulay itim.

"Ina, ama, ipinapakilala kong muli ang aking asawa. Siya si Eliha." Madiin niyang hinawakan ang bewang ko. "Ang pangalan ng aking magulang ay Keli at Kego, aking mahal."

Nag-bow ako sa magulang ni Keegan. Pakiramdam ko ay kahit anong oras ay kakain nila ako.

Kaagad kaming umupo ni Keegan.

"Nakakapagtaka ang mabilis na pagpayag ni Eliza, isang mangkukulam na ina ni Eliha sa inyong kasal sapagkat siya ay tutol sa inyong relasyon," sambit ni Papa Kego.

T-Teka, tama naman siguro na tawagin ko sila na Mama at Papa 'no? Pero dream lang 'to kaya magpapanggap na lang ako.

"Siguro ama ay nakita niya at naramdaman kung gaano ko kamahal si Eliha," nakangiting sabi ni Keegan.

Totoo ba talaga na asawa ko siya? Sobrang guwapo niya kasi! Wala pa akong nakikita na katulad niya sa real world.

"Uminom na tayo ng dugo Keegan. At painumin mo na rin ang iyong asawa. Siya ay mangkukulam kaya naman umiinom din siya ng dugo," sambit ni Mama Keli.

"Hindi po ako nainom ng dugo! Nakakadiri ang dugo sa akin dahil hindi naman 'yan normal na iniinom ng isang tao!" hindi ko na napigilan ang sarili ko na sumigaw. Kaagad akong nag-walk-out dahil nasusuka ako. Nakita ko kasi kung paano uminom ng dugo ang magulang ni Keegan.

Kailangan kong makatakas. Tumakbo ako nang tumakbo hanggang sa makarating ako sa gate kaya kaagad akong lumabas.

Hindi ko alam kung paano makatas sa isang immortal na panaginip. Pero lahat ay gagawin ko para mabigyan ng hustisya ang aking ina.

Pero sa puso ko ay masaya ako dahil nakatakas ako sa mundong sinasaktan lang ako.

Ang dilim ng paligid at nakakakilabot. Nagulat ako nang may bumungad sa akin na mga bampira yata.

"Naaamoy kita," bulong ng lalaki. Lumapit siya sa akin sabay sinakal ako. Kahit pala rito sa Vampire world ay may mananakit sa akin.

"Mas maayos pa ang pangamoy ng aso keysa sa 'yo." Sagot ko sabay madiin kong hinawakan ang braso niya sabay sinipa ko siya sa ulo. Kaya naman nabitawan niya ako.

"Palaban ang babaeng 'to," pang-aasar ng lalaki.

Nagulat ako nang hawakan nila akong lima. Naging pula ang kanilang mga mata, lumabas ang kanilang mga pangil sabay mabilis nila akong sinubsob sa semento.

"Ano ang gagawin natin sa babaeng 'to?"

"S******n natin ang kanyang dugo."

"Itali natin siya sa gate ng mga Vampyres pagkatapos nating s******n ang kanyang dugo."

"Gawin niyo na lahat! Para naman magising ako sa panaginip na 'to!" Nagwawala na sigaw ko. Pero tinawanan lang nila ako nang tinawanan. Inilapit ng isang lalaki ang kanyang bibig sa aking leeg. Siguro kapag ako ay nakagat niya ay magigising ako sa aking panaginip. Pero nagulat ako dahil biglang maputol ang kanyang ulo.

At halos lahat ng ulo ng limang lalaki sa harapan ko ay pugot na ang ulo. Nanginginig akong umupo at yumuko dahil sa takot.

Lalo akong nagulat at natakot nang biglang may yumakap sa akin.