Chapter 1

Hannah POV

"Sweetheart kailangan mong pakasalan si Andrew." suhestyon ng aking ama. Nandito kami sa kwarto ko. Nagulat na lang ako dahil bibihira na makita ko silang dalawa ni mommy na nandito sa kwarto ko. Heto sila ngayon at iginigiit na naman sa akin na pakasalan ko daw yung Andrew na yun.. Ni hindi ko naman kilala dahil simula noong bata ako ay dito na ako sa bahay nag aaral. Ayoko kasing mag aral sa iskwelahan kaya mas pinili kong mag aral sa loob ng bahay. Natatakot kasi ako na may mangbully sa akin sa school. Wala pa ni isang nakakakilala sa akin bukod sa mga trabahador dito sa loob ng mansion o di kaya ang mga tutor ko at mga teacher ko. Nag iisa lang akong anak kaya ibinibigay nila lahat sa akin lahat ng nais ko. Kaya hindi ko lubos maisip itong ginagawa ng mga magulang ko.

"Pero dad hindi ko pa siya kilala at lalong hindi ko siya mahal, paano kung masama pala siyang tao." reklamo ko. May panguso nguso pa akong nalalaman. Tuwing may ayaw o may gusto ako ay ganito ang itsura ko sa kanila kaya agad naman silang bibigay sa akin. Pero heto sila ngayon at pinipilit talaga nila ang gusto nila.

"Makikilala mo din siya anak kapag nagsama na kayo at matutunan mo din siyang mahalin." sabat din ng aking ina. Hindi ko talaga sila maintindihan kung bakit nila ito ginagawa.

" Mom, dad, hindi niyo na ba ako mahal kaya ipamimigay niyo na lang ako ng basta basta. " nakanguso ko pang sabi para naman makonsensya sila sa akin pero mukhang hindi tagala ako mananalo this time.

" Anak it's for your own good naman. Kaya namin ginagawa ito dahil mahal ka namin. We want to give you all the best." sabi ni mommy sabay haplos sa aking mahabang buhok. Ganito ang ginagawa ni mommy sa akin pagnaglalambing siya sa akin.

" But mom? " apila ko.

" No more buts, dahil ito na ang Contract., pirma niyo na lang ang kulang then settle na. "putol ni daddy sa sasabihin ko. Mukhang talo na talaga ako.

" Pero hindi ko pa man lang nasilayan ang itsura niya. paano kung pangit pala siya o di kaya mabaho. Dad naman." maarte kong tugon. Kilala nila ako sa pagiging maarte. Simula noong bata ako, nagiging maarte talaga ako sa mga bagay bagay.

" Anak sigurado ako na magugustuhan mo din siya. Search mo sa internet para magka ideya ka kung sino siya." Patuloy pa rin sa pag suklay sa buhok ko ang aking ina gamit ang kayang kamay.

" Wala na po bang ibang option dad tulad na lang ng pag merge ng dalawang kumpanya na walang kontratang kasal na magaganap?" sehestyon ko baka sakaling magbago ang isip nila. Pero imposible na yun dahil nasa harap ko na ang kontrata ng kasal. Bakit ba sila nagmamadali na parang may hinahabol sila.

" Hindi pwede sweetheart dahil malamang baka isang iglap ay mawawala na sa atin ang lahat. Kilala siya bilang heartless and ruthless sa larangan ng negosyo."

Kinuha ko ang laptop ko at sinearch ang pangalang niya "Andrew Valencia". Ganun na lang ang gulat ko dahil ang gwapo pala niya. At hindi lang yun kilala siya bilang CEO ng Valencia Corp. sa murang edad ay CEO na siya ng kanilang kumpanya. At hindi lang iyon, inagaw ng aking atensyon ang isang babae na nakakapit sa kanyang braso habang nasa kalagitnaan sila ng interview. Maganda at sopistikadang babae. Mukhang anak mayaman din at napakaelegante niyang tignan.

"Dad sino po ang babaeng ito? Mukha pong may girlfriend na po siya? Paano po kami maikakasal kung gayong may girlfriend naman siya.?"sunod sunod kong mga tanong pero mataman lang akong nakatingin sa aking ama na tila hindi rin alam kung ano ang maisasagot sa tanong ko. Kilala ko ang aking ama kapag nagsisinungaling siya, kinakamot niya nga ulo niya pero sa nakikita ko ngayon ay parang tinitimbang niya ang sitwasyon.

"Nakaratay na siya ngayon sweetheart. Dahil sa isang aksidente. Kaya ngayon ay ikaw dapat ang maging asawa ni Andrew. Kaya ito ang tamang panahon para pirmahan mo na yan. Kung hindi ay mawawala sayo ang lahat. " mahabang litanya ng aking ama na tila may banta talaga sa negosyo namin.

" May banta po ba ang kumpanya natin dad?" Tanong ko sa aking ama, hindi ko alam na ganito na pala kaseryoso ang problema ni daddy kaya pinipilit niya akong ikasal sa taong hindi ko naman kilala at mas lalong hindi ko mahal.

" Terrence bigyan muna natin siya ng oras para mag isip isip. Alam mo naman na hindi pa sanay ang anak mo para makihalubilo na maraming tao." sermon ni mommy kay daddy. Bakit ganito sila sa akin. Ang daming bakit na gusto kong sagutin nila. Pero mukhang wala yata silang balak sagutin ako. Siguro nga ay dapat kong pag-isipan ito. Kung babagsak naman na ang kumpanya ay kailangan ko talagang pakasalan siya para maisalba ito. Pero kung hindi ko ito gagawin, mawawala naman ang lahat ng pinaghirapan nila mommy and daddy. Parang sa akin nakasalalay ang kumpaya sa magiging pasya ko. Madami ding tao ang mawawalan ng trabaho kung hindi ako papayag na magpakasal.

"Kaya sige na sweetheart maiwan ka na namin. Pag isipan mong mabuti. Okay goodnight sweetie. " paalam ni mommy sa akin.

" Good night po. " b****o si mommy sa akin at si daddy bago sila tuluyang lumabas sa aking kwarto.

Pakiramdam ko hindi na nila ako mahal kaya nila ito ginagawa. Ano talaga ang kalagayan ng kumpanya namin para ipamigay na lang nila ako ng ganun ganun na lang. Pakiramdam ko tuloy parang hindi nila ako anak dahil sa ibinibigay nila ako kapalit ng pera.

Kinuha ko ulit ang laptop ko para isearch ulit si Andrew Valencia. Marami siyang interview pero isa doon ang nakuha ng aking atensyon. Habang pinapanood ko ay hindi ko mapigilan ang humanga sa kanya dahil sa katalinuhan niya at idagdag mo rin ang kanya kagwapuhan.

"Hoy self, nagkakagusto ka na yata sa kanya. Mali to okay. Pero magiging asawa naman kita kaya okay lang naman siguro na magkagusto ako sayo." Usap ko sa aking sarili. Pero hindi ako pwedeng mainlove sa kanya. Baka kung mainlove ako sa kanya baka pagtawanan niya lang ako. Kailangan kong mag isip ng plano para hindi ko siya magustuhan. At lalong hindi siya lalapit sa akin. Yung tipong mandidiri siya. Pero paano ko naman gagawin iyon.

Humarap ako sa salamin.

Paano naman niya pandidirihan ang itsura mo? Kahit pa ang gulo gulo ng buhok mo ay maganda ka pa rin? Hayss. Tanong ko sa sarili ko habang kaharap ang salamin. Ano ba ang dapat kong gawin. Ang hirap mag isip.

Humarap ulit ako sa laptop ko.

Pagkatapos kong nagsawang tumitig sa mga litrato niya ay pumunta ako sa social media ko at nood sa mga reels. Sa pag scroll scroll ko ay may napanood akong kumuha sa akin ng aking atensyon. Iyon ay ang nagpanggap na pangit yung babae para malaman kung ano ang ugali nang lalaki. Napaisip ako tuloy kung gagayahin ko ba ang ginawa na babae. Parang exciting.