Kabanata 914

Iniunat ni Cordelia ang balikat at leeg niya. Kamakailan, nadagdagan ang timbang ni Zuko at naging matabang bola siya. At saka para bang ang munting batang kakatuto pa lang kung paano maglakad ay ayaw nang maglakad at paulit-ulit na nagpapakarga sa nanay niya.

Araw-araw, karga ni Cordelia si Zuko, na parang kasing bigat ng dalawang bag ng harina sa mga bisig niya. Sa sobrang dalas ay para bang namamaga ang kalamnan niya sa balikat.

Mabilis siyang hinila ni Zephyr para umupo nang komportable sa sopa at minasahe ang balikat at leeg niya.

Pero di pa tapos si Cordelia sa sinasabi niya at pinagpatuloy niya ang usapan kanina. “Bakit di ko kinaaayawan si Alexander? Kasi napakabait niya.

“Yung iba, kagaya nila Nelly at Ava, nilapitan ka nila nang may ibang motibo, pero sinsero si Alexander sa'yo.” Tumingala siya sa kanya at mapaglarong ngumiti. “Honey, natutukoy ng asawa mo kung sinong sinsero kahit gaano pa siya katanga.”

“Oh?” Ngumiti si Zephyr sinadyang nagtanong, “Paano mo nasasa