Kabanata 885

Nang tinapik ni Helene ang likod ni Aurelia, sinubukan ni Aurelia na yakapin rin siya… kagaya ng pagyakap ng isang anak sa kanyang ina.

“Tama na, shh,” mahinang sabi ni Helene. “Nandito ako, ayos lang yan…”

“Mm!” Tumango si Aurelia at ngumiti nang totoo.

“Princess Lene, poprotektahan mo ba ako?”

“Oo.” Ngumiti si Helene nang di man lang nag-isip.

“Bakit?”

“K-Kasi ikaw ang anak ko.”

“Princess Lene, tinabi ko na sa'yo, naroon ang anak mo!” Tinuro ni Aurelia ang unan nang nakangiti.

Huminto si Helene bago siya nahihiyang ngumiti na para bang may napagtanto siya. Kinuha niya ang unan gamit ng isang kamay habang nakayakap naman kay Aurelia ang kabila kaya pareho silang nasa mga bisig niya.

“Pareho!” malakas niyang sabi. “Pareho ko kayong anak!”

Masayang tumawa si Aurelia habang binalot siya ng naiibang pakiramdam ng ligaya.

Biglang may ingay sa pintuan.

Tumayo si Aurelia sa pagkaalerto, pero nakapasok na ang taong iyon bago siya nakapunta.

“Mr. Irwin!” Kuminang ang mga m