Kabanata 708

“Ang tapang mo ring maglakad sa kalye nang ganito, ha? Alam mo ba para kang masarap na steak sa harapan ng mga taong yun? Baka kahit underwear mo ay kunin nila sa suot mo!”

Huminto si Neil at hindi napigilang matawa.

“Ganun ba yun kaseryoso?”

Seryosong tumingin si Aurelia. “Hindi pa ba sapat ang nangyari kay Fredric para mag-ingat ka?”

“Pero gabi nun nang nangyari yun sa kanya—”

“Manong.” Pinagpatong ng babae ang braso niya sa harapan niya. “Walang may pake kung umaga o gabi rito kapag gumawa sila ng krimen sa kalyeng to!”

“Ano!?” Hindi makapaniwala si Neil.

Hindi siya nagulat sa mga krimen, pero ang salitang pinili niyang itawag sa kanya—”manong”!

Manong!?

Anong tinawag niya kay Fredric? Fredric!

Ano? Mukha ba siyang matanda para sa kanya para tawagin niya siyang manong?

Dumilim ang tingin ni Neil habang hinigpitan niya ang mga kamao niya.

Maingat na inobserbahan ni Aurelia ang ekspresyon niya at napansin niyang para bang hindi siya natutuwa. Totoo ngang kakaiba kung