Episode 24: Maria's Rage

Hindi niya mawawaan ang lahat ng napakinggan dahil kanina pa niya hinahanap si Moira pero hindi niya ito makita. Halos 30 minuto lang ang itinagal ng presscon ni Benjamin. Katabi ng asawa niya si Venice at ang mga guest, nasa loob na sila ng isang napakalaking bulwagan. Parang isang kasalan ang magaganap dahil sa design ng lugar; may mga bulaklak kada mesa at may isang stage na may kalayuan sa kanya kung nasaan ang lalaking kinamumuhian niya. Kailangang matigil na ang kataksilan nito. Kokomprontahin na niya ang asawa.

"M-Moira, nasa'n ka?" anas niya nang ikutin ang paningin. May mga nagse-serve naman sa table niya pero bakit hindi niya makita ang babae?

Malaking palatanungan pa kung pa'no ito nakapasok. Napatayo siya nang marinig ang masigabong palakpakan pero napatda siya—nang halikan ni Venice ang asawa sa harap ng maraming tao. Nagtayuan na ang ilan sa kanila at muling nagpalakpakan ang mga ito pero siya, nakuyom niya nang mariin ang mga kamao. Ang taksil niyang asawa, ngiting-n