Chapter 7

"Manang!' Sigaw ng apat na lalaki. Lumingon ako at kinabahan.

Napatingin ako sa paligid na nagkalat ang tae ng kambing, baka at kalabaw. Napaurong ako nang wala sa oras dahil sa mapagtripan na naman nila ako. Malapit na sila sa gawi ko ngunit napatakbo na lang ako bigla. Akala ko ay hindi sila makikisabay sa 'kin sa pag alis ngunit mali pala ako ng akala.

Hingal akong nakarating dito sa apartment habang ang iba ay hinihingal din. Sabay sabay na natuyo ang aming mga damit dahil sa init ng araw.

"Bakit ka ba tumakbo ha manang? Pinamukha mo lang sa amin na isa kaming rapist," sabi ni Marko.

"Aba! sa gusto ko nga eh. Sinabi ko bang tumakbo din kayo," inis kong turan saka ko sila tinalikuran.

Nagtungo ako sa laundry area at naroon na ang mga lalabhan ko. Napaawang na lang ang aking ibabang labi nang makita kong sobrang dami ng lalabhan ko. Isang gabundok ba naman ang aking lalabhan. Kailan kaya ko matatapos nito? Badtrip talaga itong Jeho na 'to. Hindi man lang matutunang maglaba, magl