Kabanata 972

“Sinabi mo na gusto mong maghanap ng ebidensya, pero paano mo gagawin ‘yun? Hihingi ka ba ng tulong sa isang ordinaryong doctor para patunayan na pinepeke ni Fiona ang sakit niya? Hindi ito paniniwalaan ni Joshua!”

Ngumisi si Luna. “Kung kaya ni Fiona na ipagawa kay Dr. Robert ang isang pekeng certificate, edi papagawa ako sa kanya ng tunay.”

Tumigil si Christian nang marinig niya ito. “Anong ibig mong sabihin?”

“Ang ibig kong sabihin ay kukunin ko ang medical report ni Fiona, itatago ko ang pangalan, at hahayaan natin ang sikat na doctor na ito na suriin ulit siya.”

Tumahimik si Christian nang marinig niya ito. Pagkatapos ng ilang sandali, sumagot siya, “Sa tingin ko ay hindi gagana ang plano mo, pero… mas mabuti na ito kaysa sa hindi tayo kumilos.”

Nagbuntong hininga siya at sinabi niya, “Susunduin kita ngayon, at mag jojoyride tayo.”

“Sige. Hihintayin kita.”

Pagbaba ng phone, huminga ng malalim si Luna at bumaba siya para magbihis.

Sa labas ng Blue Bay Villa, may isang itim