CHAPTER 32

CHAPTER 32: TYPE

LYN'S POV

Tumalon ako sa pool kasabay si Anastacia at sabay pa kaming natawa nang umahon. May mga kaibigan si Ate Liandra na tumalon na rin sa pool habang suot ang kani-kanilang swimsuit. Maingay rin sila, pati na ang speaker.

"First time mo?" tanong ni Anastacia nang umahon ako sa pool pero binabad ko pa rin ang hita sa tubig.

"Oo."

"You should do this always! Masaya rin 'to!" aniya at hinila ako pabalik sa pool. Napatili ako at nang mapaahon ay tinawanan niya ako.

"Just think of what's happening now, Lyn. 'Wag mo munang isipin si Kael," pangungumbinsi niya.

Nalunod ang sinabi ni Anastacia nang mas lalong mag-ingay iyong grupo ni Ate Liandra. "Michael! Michael!"

Sabay kaming napatingin do'n at kaagad na natagpuan ng mga mata ko si Kael habang hawak ni Ate Liandra ang braso niya. "Ops! No girls, he's mine!" halakhak pa ni ate.

Gano'n pa rin ang ayos ni Kael noong huli ko siyang nakita kanina pero wala na siyang coat ngayon. Black long sleeves na lang at royal blue