Chapter 74

Mavi Pov

Nang muli akong pagbalikan ng aking malay ay nasa loob pa rin ng silid sina Alpha Magnus, Lotlot, at Alex. Ang una ay nakaupo sa gilid ng kama at nakahawak sa isa kong kamay samantalang ang dalawa ay nakatayo lamang malapit sa pintuan at nakatingin sa akin. Lahat sila ay nakatingin sa akin ng may pag-aalala.

"How are you feeling, Mavi? Masakit pa ba ang dibdib mo?" mabilis na tanong ni Alpha Magnus sa akin. Nakakunot ang noo na tiningnan ko siya. He talks as if he already knew about my condition.

"Sinabi na nami sa kanya ang ginawa sa'yo ni Sonia na sinang-ayunan naman ng kanilang mga elders," sabi ni Lotlot na para bang nababasa niya ang nasa isip ko.

"Hindi niyo na dapat sinabi sa kanya ang tungkol sa bagay na ito, Lotlot." Pinilit kong bumangon sa pagkakahiga at naupo na lamang sa kama.

"At ano ang gusto mo, Mavi? Na patuloy na ilihim sa akin ang kalagayan mo?" galit ang boses na wika naman ni Alpha Magnus.

"Sinabi ko kay Alpha Magnus ang totoo dahil baka may alam siyang g