Chapter 81

Mavi Pov

Nang pagbalikan ako ng aking malay tao ay ang nag-aalalang mukha ng aking ama at kapatid ang una kong namulatan. Hindi galit at pangmamaliit ang nakikita ko sa kanilang mga mata magkahalong tuwa at pag-aalala, hindi ko inaasahang makikita sa kanilang mukha kapag nagkaharap kami at malaman nilang ako si Mavi.

"Nasaan ako? Nasaan si Alpha Magnus?" Napabalikwas ako sa kama nang maalala ko ang nangyari sa dapat sana ay masayang engagement party namin.

"Huwag ka munang bumangon, Mavi. Magpahinga ka na lang muna." Pinigilan ako ng aking ama nang tangka kong bumaba sa kama." Nandito ka sa silid mo, Mavi. Nakabalik ka na sa bahay natin. At huwag mo nang hanapin ang walang kuwentang taong iyon dahil sinaktan ka lamang niya at ginamit para makaganti sa akin," nagtatagis ang mga ngipin na dugtong niya.

Tama ng aking ama. Ginamit niya ako para makaganti at maipahiya ang aking ama sa harapan ng maraming tao. Wala akong magawa kundi ang umiyak na lamang. Nangyari na ang kinatatakutan ko. A