Chapter 83

Mavi Pov

Nagdesisyon ako na ipabalik kay Lotlot ang dati kong mukha. Alam na ng lahat ang aking sekreto kaya ano pa ang dapat kong itago? Mas mabuti nga na ibalik ko na ang mukha ko sa dati para naman makita ni Moses ang tunay na mukha ng kanyang ina sa personal.

"Namiss ko na ang mukha mong iyan, Mavi. At natutuwa ako na sa wakas ay nagdesisyon kang ibalik ang dati mong mukha," natutuwang komento ni Lotlot matapos niyang alisin ang bandage na nakapalibot sa mukha ko. Kumuha siya ng maliit na salamin at ibinigay sa akin para makita ko ang hitsura ko.

"I also missed my old face, Lotlot." Marahang hinaplos ko ang repleksiyon ng mukha ko sa salamin. Ngayon ko lang na-realized kung gaano ko pala namimissed ang mukhang ito.

"Makilala ka kaya ni Moses kapag magkita ulit kayo?" may pag-aalala sa boses na tanong ni Lotlot.

Bahagya akong ngumiti at tumango sa kanya. "Of course, yes. Dahil ilang beses na niyang nakita ang tunay kong mukha sa mga luma kong larawan na dinala ko pag-alis ko noon s