CHAPTER 29-EXPLODE

Namumutla si Lily na pumasok sa laboratory upang sundin ang iniutos ni Elaine. Maling mali na maging sunud-sunuran siya sa kaibigan pero ayaw niyang mawalan ng trabaho dahil kinakailangan siya ng ina niyang nagpapagamot sa hospital matapos na ma-aksidente.

Natatakot siya kay Elaine dahil isa itong tusong babae na may mga koneksyon sa paligid na maari niyang gamitin para patalsikin siya sa mga Laurell.

"Lily, if you do this for me, I'll take care of your mom's medical expenses." Iyon ang ipinangako ni Elaine sa kanya kaya siya naging desperado.

Pasimple siyang dumaan sa likuran ni Roxanne na hindi siya napansin dahil busy ito sa paghahalo ng mga pulbo ng gamot sa beaker.

Hinahalo ng maigi ni Roxanne ang pulbo gamit ang stirring rod para malusaw ito sa tubig. Nagsusulat din siya sa experimental notebook para ma-record ang oras sa hakbang ng operasyon.

Pagkatapos niya sa mga mixtures, naglakad siya papunta sa storage room para kumuha ng reagent at ilang kaunting dilute sulf