CHAPTER 26-DOUBT

Inihatid ngayon ni Roxanne si Grace sa kanyang condo, hindi rin siya nagtagal doon at nagpaalam para umuwi sa boarding house.

Paglabas niya sa elevator. Nakita niya ang isang lalaking nakatayo sa labas na kanina pa siya hinahanap.

"Roxanne, kailangan nating mag-usap." Kaagad siyang hinila ni Jameson at dinala siya sa parking lot.

May inilabas si Jameson na mga larawan at ipinakita sa kanya. "Anong ibig sabihin nito?"

Medyo madilim ang paligid kaya nahihirapan si Roxanne na tignan ito pero naaninag niya na litrato ito kung saan ay lumabas siya sa isang hotel at sa isang litrato naman ay makikita si Devon na sumunod na lumabas doon.

Napatingin si Roxanne sa lalaki na alam niyang pinag-iisipan siya ng masama. "At anong problema mo d'yan?"

"Tsk. Hindi ako tanga, Roxanne. May nangyari sa inyong dalawa noong gabing iyon, tama ba?" Nais niyang kumpirmahin ni Roxanne ang kanyang pagdududa.

Nalaman din ni Jameson na burado ang surveillance footage ng hotel noong gabing iyon