CHAPTER 92

Tinanong niya ang ina kung totoong magkapatid sila ni Nadja. Ngunit si Max ang sumagot kay Victor.

“Huwag mong tanungin ang iyong ina ng ganyan, Victor. Ako ang tanungin mo.”

“Kapatid ko ba si Nadja, Papa?”

“Hindi mo kailanman magiging kapatid si Nadja. Walang namamagitan sa amin ni Sophia. Si Jayson lang ang malikot sa babae kahit mukha siyang matino. Ako, kahit mukhang babaero, one-woman-man ako. Si Sharon lang ang babae sa buhay ko.”

Yumakap si Sharon sa asawa.

“Sorry, Max dahil pinagdudahan kita ng matagal na panahon.”

“Sharon, alam mo naman ikaw lang ang babae sa buhay ko.”

Noon lang nakita ni Victor na sweet-sweetan ang mag-asawa.

Samantalang nagpupuyos ng galit si Nadja kay Sophia dahil sa mga sinabi nito. Tinanong niyang muli si Sophia kung totoo ang sinabi niya.

“Hindi ka naniniwala sa akin?”

“Hindi! Dahil minsan ka nang nagsinungaling sa akin. Matagal mong binilog ang ulo ko at posibleng magawa mo rin iyon para ilayo ako kay Victor.”

“Hindi ka si Juliet, Nadja. Huw