Daig pa ang mga protester sa EDSA ang kuyog na dumating sa harap ng bahay ni Elisa sa pangunguna ni Teacher Badette. Halos lahat kasi ng madaanang tsismoso at tsismosa ay sumama na rin upang maki-usyuso.“Naku lagot ka sir.”Ani Elisa. Malayo pa lang ay natanaw na ni Elisa ang paparating na mga tao.Maging si Aling Lagring ay napadungaw rin sa bintana. “Ang bilis naman ng pang-amoy ng mga ito.”Ang kanyang driver bodyguard na si Artem ay napasugod na rin sa loob ng bahay. Bitbit ang kanyang baril ay humanda ito para proteksiyunan ang kanyang boss.“Boss. Dapat siguro umalis na tayo.”“Sa likod na kayo dumaan sir.” Suhestiyon ni Elisa.Ngunit bago pa sila nakakilos ay nakapasok na sa loob ng bahay si Teacher Badette. Malaki na rin ang tiyan nito ngunit ang inis na kinikimkim dahil sa pinagtaguan siya ni Oliver ay malaya nitong naibulalas ngayon.“Hoy Oliver. Kala mo siguro mapagtataguan mo ako habang buhay. Walang hiya ka. Pagkatapos mo akong buntisin, lalayasan mo na lang ako at iiwana
Masaya si Kristy Montenegro sa hindi inaasahang pagdalaw ni Oliver. Mula ng bumalik siya saAmerica ay naging LDR uli ang kanilang relasyon. Okay naman sana ang long distance relationship. Halosaraw-araw naman silang nagkakausap sa telepono. Ngunit iba pa rin talaga ang magkasama atnayayayakap mo ang iyong mahal anytime of the day, lalo na kapag gabi.Dahil nga palaging abala si Oliver ay ipinasiya ni Kristy na bumalik na sa Amerika upangipagpatuloy ang pagtatrabaho dito. Sa Pinas bagama’t suportado naman ni Oliver ang mgapangangailangan niya ay ipinasiya pa rin niyang magtrabaho at kumita ng sariling pera. At dahil dito saAmerica ang dati niyang trabaho ay ipinasiya niyang dito uli manirahan. Total ay palagi ring wala sabahay si Oliver dahil marami din itong ginagawa. Nakakabagot rin ang routine niya dati. Pagising saumaga ay mag-aalmusal silang magkasabay. Kung minsan pa nga ay nag-aalmusal siyang mag-isa dahilmaagang umaalis si Oliver. Kung minsan naman ay hindi umuuwi at s
Habang pinag-mamasdan ni Oliver si Dr. Leonardo ay lalo siyang naguguluhan. Magkahalong awa at takot ang kanyang nararamdaman. Ngayong may pag-asa na palang gumaling ang matanda ay hati ang kanyang damdamin. Paano pala kung maraming mabago oras na gumaling si Dr. Leonardo. Ngunit dahil sa malaking pasasalamat niya dito ay kumikiling na ang pagpapayag niya sa suhestiyon ni Dr. De Lavine.Kung hindi marahil binago ni Dr. Leonardo ang kanyang anyo at nanatili siya bilang si Banjo Canoy, malamang ay puro hirap at pang-aapi pa rin ang kanyang dinaranas ngayon.Nakatayo sa may bintana ang matanda at nanatiling nakatitig sa kawalan. Iyon ang dating kuwarto ng matanda na sadyang ipinaayos ni Oliver. Dahil sa kalagayan nito ngayon ay masusi ang naging pagbabantay ng dalawang nag-aalaga kay Dr. Leonardo. Mahigpit ang bilin niya na huwag itong hayaang makalabas ng mansiyon dahil baka lalo itong mapahamak sa labas.Nang pumasok ang nag-aalaga ay napalingon ang matanda. At tulad ng dati ay paulit-
HABANG binabagtas ng kanilang sasakyan ang daan patungo sa bayan nina Elisa ay abot-abot ang kabang nararamdaman ni Oliver. Nang tumawag si Elisa kahapon at ibinalitang nanganak na si Teacher Badette at kamukha na naman ng dalawang naunang sanggol na inaalagaan niya ay hindi na yon ikinagulat ni Oliver. Inaasahan na niya yon at maging ang magiging anak ni Mrs. De Asis ay inaasahan na niya ang mga itsura ng mga ito.Ang gumugulo ngayon sa kanyang isipan ay kung paano niya ipapaliwanag kay Elisa at Aling Lagring kung bakit kamukha ni Banjo Cano yong isinilang ni Teacher Badette. Tiyak niyang maraming itatanong si Elisa at Aling Lagring. Panahon na ba para aminin niya na siya si Banjo Canoy? Ngunit kapag ginawa niya ang pag-amin ay tiyak na ikakagulat yon ni Aling Lagring. At hindi niya tiyak kung paano ito tatanggapin ni Aling Lagring.“Tutuloy na ba tayo kina Elisa, sir?” tanong ni Artem ng pumasok na sila sa bayan.Hindi kaagad nakasagot si Oliver. Kaya na ba niyang harapin ang ina at
SA pagkakataong ito ay kakaiba ang pag-salubong nina Elisa at Aling Lagring. Tahimik lamang si Elisa habang pinapakain si Vivo. Si Aling Lagring naman ay abala sa paghahanda ng pagkain sa kusina.Datirati ay makuwento si Aling Lagring at maging si Elisa ay madaldal. Ngunit ngayon ay tipid ang bawat salita. Tila naninimbang at halatang pinipili ang bawat sasabihin.Batid ni Oliver na maraming gustong itanong ang dalawa. Una na marahil ay kung bakit kamukha rin ng naunang dalawang sanggol ang anak ni Teacher Badette.“Nagkausap na ba kayo ni Teacher Badette?” Binasag ni Oliver ang katahimikan.“Opo Sir.” Tipid na sagot naman ni Elisa.Naghintay si Oliver ng kasunod na sasabihin ngunit wala nang idinugtong pa ang dalaga. Mga ilang sandali muna ang lumipas bago muling nagsalita si Elisa.“Gusto ka pong makausap ni Teacher Badette, Sir.”“Bakit ka pa makikipag-usap sa kanya, Sir. Tama lang sa kanya ang magkaanak ng panget. Masyado siyang mapang-api at mapamintas.” Gigil sa galit na sabat n
Habang papunta sa ospital ay abot-abot uli ang kabang nararamdaman niya. Isa na naman uling panget na sanggol ang madadagdag sa mundo. Sising-sisi si Oliver dahil sa ginawa niyang paghihiganti sa mga taong nang-api at umalipusta sa kanya noon at ngayon ay ang mga anak niya ang nakatakdang magdusa. Tiyak na aapihin at aalipustain rin sila ng mapang husgang lipunan.Marahil nga ay tama lang na huwag ng bumalik sa dati ang sigla niya bilang lalake. Kalooban siguro ng tadhana na magkaroon siya ng Erectile Dysfunction para hindi na dumami pa ang mga panget niyang anak.Isang maliit na private hospital yon kung saan nanganak si Elizabeth. Pagpasok pa lamang ni Oliver sa lobby ng hospital ay nagtitinginan na ang mga nurses. Kilala na siya ng halos lahat ng mga tao sa bayan nila. After all, siya si Oliver Calderon ang philanthropist. May-ari ng Calderon Medical Center na ngayon ay magkakaroon na ng branch sa bayan nila. At nagpapatayo ng bahay ampunan. Madalas lumabas sa Telebisyon ang mukha
Vina Chu was prettier in person. Iyon kaagad ang naging konklusiyon ni Oliver ng makita ito. Ang hapit na kasoutan ay lalong nagpatingkad sa hubog ng katawan nito. Balingkinitan at halos perpektong mga binti. Ang buhok na hanggang balikat ay tila banayad na alon na sumasabay ang galaw sa bawat hakbang nito. Ang kutis ay maputi na tila porcelana.Ang event ay isang charity auction na ang pondong malilikom ay para sa mga street children. Mostly ay mga paintings ng mga local painter ang ibenebenta. Ngunit mayroon ding mga pre-owned clothing ng mga kilalang celebrity. Dinaluhan iyon ng mga kilalang mga negosyante upang ipakita ang kanilang goodwill and showing off their company’s corporate social responsibility. Marketing strategy para sa mga produkto nila.Nang magkaroon ng pagkakataon ay nilapitan ni Oliver si Vina Chu.“Hi.” Nakangiting bati ni Oliver. “I’m sorry to interrupt but I can’t forgive myself kung hindi ko makikila ang isang napakagandang binibini. Ako nga pala si…”“Oliver C
MASAYANG masaya si Elizabeth habang kalong ang kanyang baby. Larawan na ito ng isang babaeng kumpleto na sa buhay. Kung sabagay ano pa nga ba ang mahihiling niya ngayon. May negosyong kumikita ng maayos at isang sanggol na napakaganda. Maliban sa isang bagay. Ang muling maangkin si Oliver Calderon.Iniabot ni Elizabeth sa yaya ang baby. Muli namang sinulyapan ni Oliver ang sanggol. Walang dudang sa ina nagmana ang baby kaya maganda.“Dalhin mo muna sa kanyang kuwarto.”“Yes Ma’am.”Nang tumalikod ang yaya ay tila naglalambing na hinarap nito si Oliver.“Alam mo masayang masaya ako dahil kinilala mo ang anak mo. Pero mas masaya siguro kung dito ka na titira para makagawa tayo ng isa pa.” nakangiting sabi.“Masyado kang palabiro.”“Hindi ako nagbibiro Oliver. Para sana kumpleto. Isang girl and then isang boy.”Muntik nang matawa si Oliver. Paano niya gagawin yon eh hindi na nga nakikisama ang manoy niya. Isa pa kung sakali man na lalaki ang kasunod, walang katiyakan na hindi ito magigin