198.

“Ano ba, bitiwan niyo ng ako! Ernesto, ano ‘to?”

“Pasensya ka na, Ma’am Cherry, napag utusan lang kami. Alam namin ang plano mo mamaya… gusto kang makausap ni boss!”

“N-Ni daddy? S-sandali nga lang, wala naman kayong ebidensya ah!” hirit ng dalaga.

“Basta sumunod ka nalang, ma’am… hindi ka na sana nangialam pa, hindi ka sana mapaparusahan ng iyong ama!”

Pinagpapawisan si Charlotte habang naririnig ang boses ng kapatid niya at ni Ernesto. Kung gano’n ay hindi na siya matutulungan ng ate niya na tumakas mamaya… pero paano nalaman nito ang plano nila?

Napalayo ang dalaga sa pinto ng bumukas ito. Pumasok si Sonnie at nakangiting tumingin sa dalaga.

“Sonnie, gabi na, bakit napadalaw ka?”

“Actually, hindi ako napadalaw lang, Charlotte. Narito ako dahil dito ako matutulog ngayong gabi. Binigyan na ako ng permiso ng daddy mo kaya hindi mo ako kailangan tingnan ng masama.”

Kumuyom ang kamao ng dalaga. Nagsisimula na siyang makadala ng inis sa binata. “Hindi dapat permiso ni d