Chapter 243

=Elvira’s Point Of View=

Nang makainom na ng marami si Zian ay panay sulyap ako sa kanya. Magda-drive pa kasi siya eh…

Ngunit biglang napahinto ako nang may sinabi si papa. “Zian.. Zian, pwede mo ba akong tulungan makahanap ng trabaho?” lasing na tanong ni papa.

“Sige po. Ako na bahala doon tito,” nakangiting sagot ni Zian.

“K-Kung makakahiram ba ako ng pera, maari ba?” Tumayo ako kaagad upang awatin si papa.

“Pa naman…”

“Hmm magkano po?” tanong ni Zian at tinanguan ako.

“Limang milyon…” Nanlaki ang mata ko sa sinabi ni papa.

“Pa naman… Hindi pa ba sapat yung naitulong niya sa atin?” reklamo ko, sobrang nahihiya ako kay Zian ngayon.

Bumuntong-hininga ako at pilit na pinigilan ang pagtaas ng boses sa sobrang hiya. Pero bago pa man ako makapagsalita, ngumiti si Zian, tila wala man lang alalahanin sa usapan.

“Elle, okay lang. Kung para sa pamilya mo, walang problema,” malumanay niyang sabi bago siya muling bumaling kay papa. “Sige po, tito. Ako na ang bahala sa limang