Chapter 241

Isang linggo matapos ang mapang-asar na gabing iyon, dumating na rin ang pinakahihintay naming resulta ng board exam. Kabado ang bawat isa sa amin, at halos ayaw ko pang buksan ang email sa takot na baka hindi ko makuha ang inaasam-asam kong lisensya. Pero nang makita ko ang pangalan ko sa listahan ng mga pumasa, tumalon ako sa tuwa at napaiyak.

Hindi pa ako nakakabawi sa emosyon ko nang bigla akong makatanggap ng tawag mula kay Zian.

“Engineer Elvira,” bati niya sa akin, ang tono niya ay parang hindi siya makapaniwala. “So, may lisensya ka na pala ngayon. Well, congratulations, ang taas pala ng standards ng PRC para ipasa ka.” Pabirong insulto niya, at alam kong sinusubukan niya lang ako asarin.

“Talaga ba, Zian? Iyan talaga ang pambati mo sa akin?” sagot ko, pero hindi ko rin mapigilang mapangiti.

“Bakit, ano bang gusto mong marinig? Na proud ako sa’yo?” Napaka-playful ng tono niya, at narinig ko ang pamilyar niyang tawa. “Ayos lang naman, kahit nakapasa ka, hindi naman ibig