Chapter 52

Anika's POV

"Saan ka pupunta? Bakit ka nag-iimpake?"

Tumigil ako sa ginagawa at nilingon si Adela na halata ang gulat sa mukha nang makita ang ginagawa ko.

"Aalis na."

"Aalis? Bakit ka aalis?"

Muli ko siyang nilingon at tinaasan ng kilay. "Hiwalay na kami ni Daryl. Puwede ka nang lumipat dito kung gusto mo."

Nagsalubong ang mga kilay niya sa narinig. Mabilis niya akong nilapitan, pero ibinaling ko ang atensyon ko sa pagliligpit ng mga gamit.

"Ano? Ano naman ang ibig mong sabihin do'n, ha? At saka, saan ka pupunta? Buntis ka pero aalis ka dito? Saan ka titira?"

"May business trip ang boss ko na kailangan kong samahan. Isa pa, hinanapan na niya ako ng apartment na malilipatan."

"Ang boss mo?" Halata ang gulat at pagtataka sa boses niya. "Bakit niya gagawin iyon? Bakit ka niya kailangan hanapan ng malilipatan? May bahay ka naman."

"This is not mine, Adela." Muli ko siyang binalingan. "Sa boyfriend mo ito."

"Wait a minute, bakla! Galit ka ba sa akin?"

Matalim ang mga matang tiningnan ko s