Chapter 10

Isang linggo na ang lumipas ngunit si Aries ay hindi pa rin umuuwi sa mansyon. I tried contacting him for how many times pero hindi pa rin nito sinasagot ang tawag ko.

Nag-aalala na ako sa kanya. Si Tita Helena ay umuwi muna sa kanila upang hanapin at ipagtanong-tanong rin si Aries sa mga kaibigan niya.

Dapat ngayon ay naiinis na ako sa kanya at tinatanong na ang tungkol kay Hannah. Dapat ngayon ay alam na ni Aries na magkakaanak na kami pero heto siya, isang linggong hindi nagparamdam sa akin.

Napabuntong hininga ako. Naramdaman ko ang pagkirot ng puso ko dahil aa nangyayari ngayon. Alam ko naman na hindi pa ako nito mahal, alam ko naman talaga iyon pero umasa ako nung nakaraan na gusto na niyang mapalapit sa akin.

Kasi ano yung kiss na iyon? Wala lang sa kanya?

Napakagat ako ng labi at napahilamos na lang sa sobrang pagka frustrate.

“B-Bakit ba lagi na lang akong nasasaktan?” Garalgal na tanong ko sa aking sarili. Maya-maya lang ay kusang tumulo ang luha ko na agad ko rin pinunas