Chapter 65

Leana’s POV

DAY 1

“Mama, huwag mong ililigpit ang mga gamit ni Chance,” saad ko nang bigla siyang pumasok na may hawak na malaking box.

Natigilan siya at napatingin sa akin.

“Sigurado ka?” tanong niya at tumango ako.

“Huwag po kayong mag-aalala. Lilinisin ko ‘to para bawas trabaho niyo. Gusto ko rin kasing nakikita na kung paano niya inayos at iniwan ay ganon pa rin. Ayokong maitago at maitambak sa kung saan.”

Mas masakit para sa akin na makitang unti-unting nawawala ang mga gamit ng kapatid ko sa kwarto namin dahil mas ipinamumukha lang nun sa akin na wala na siya. Lumaki kaming dalawa sa kwartong ito. Nasanay ako na dalawa ang halos lahat ng mga gamit kaya hindi ko matatanggap na pagkatapos nito ay matatanggal ang lahat at ako na lang mag-isa ang gagamit nito.

“Sige, anak.”

Nilapitan niya ako at hinaplos ng marahan ang mga pisngi ko.

“Ikaw na lang ang natitira sa akin, anak. Susubukan kong protektahan ka dahil nabigo ako sa kapatid mo.”

Napakagat ako sa mga labi at napaiwas