Chapter One Hundred Thirty-Eight  

“SHE’s dead!”

Parang may bombang sumabog sa pandinig ni Gray nang ipaulit niya sa isang opisyal ang sinabi nito. Talaga kasing tumatanggi ang utak niyang tanggapin ang sinasabi nitong wala na si Hannah – ang kanyang asawa’t bestfriend. Kahit nawawala si Hannah, hindi niya inaasahan na maririnig niya ang mga salitang iyon. Ang inaasahan lang niya ay nilinlang at nakidnap ito.

Hindi nga siya nagkamali sa una niyang hinala na si Nicole ang may kagagawan kung bakit nawawala ang kanyang misis. May nakapagsabi na magkasama ang mga itong pumasok sa isang coffeeshop at magkasama ring sumakay sa isang kotse. Napakunot lang ang noo niya dahil pareho namang hindi marunong magmaneho sina Nicole at Hannah. Wala ring parehong sasakyan. 

Nagrenta sila ng sasakyan? Naguguluhan pa ring tanong niya.