Chapter One Hundred Forty-Four 

KAHIT napapantastikuhan si Silver sa desisyon ni Hannah, ngumiti na lang siya ng matamis na matamis. Ibig kasing sabihin nu'n ay hindi na muna babalik si Hannah kay Gray. Kaya, magkakaroon pa siya ng pagkakataon na makasama ang kanyang mahal. 

Matagal na niyang gusto si Hanna pero hindi niya ito mapormahan dahil kay Gray. Mistulan naman kasing basketball player si Gray kung makabantay kay Hannah. Nawalan tuloy siya ng tsansa na masabi kay Hannah ang kanyang nararamdaman. 

Malalim na buntunghininga lang ang pinawalan niya pagkaraan ng mahabang sandali. Kahit naman kasi nasabi niya iyon kay Hannah, hindi pa rin siya nakakasiguro kung tatanggapin siya nito. Sa palagay niya'y hindi dahil simula pa lang ay mahal na nito si Gray. 

Kahit mag-bestfriends pa lang ang turingan noon nina Gray at Hannah, nakasisiguro na siyang nagmamahalan ang mga ito, kaya hindi na siya gaanong nagulat ng ideklara ni Gray na sila na ni Hannah. Medyo nasaktan nga lang siya da