Chapter One Hundred Forty-Three 

“SILVER…?” hindi makapaniwalang bulalas ni Hannah nang imulat niya ang kanyang mga mata at makita ang pinsan ng kanyang asawa. 

Agad namang itinaas ni Silver ang mga kamay na para bang susuko. “Wala akong gagawing masama sa’yo, huwag kang matakot. Ang totoo niyan, iniligtas pa kita sa taong  may masamang balak saýo.”

Sukat sa sinabi nito ay para ring naglakbay pabalik ang kanyang isipan at naalala niya ang nangyari. Tinext siya ni Nicole na magkita sila sa cafeteria. Pinagbigyan naman niya ito kahit naguguluhan siya sa layunin nito sa pagkikita nilang iyon gayung nakatira lang naman ito sa kanyang compound kaya kung nais siya nitong kausapin ay maaari naman itong magpunta sa kanila. Gayunman, pinagbigyan pa rin niya ito. 

Ewan