Chapter Hundred Fifty-Two lover 

"BAKIT hindi na lang natin totohanin ang pagpapanggap?" 

Kung may kakayahan lamang siyang makapagbato ng palakol sa pamamagitan ng matalim na tingin, tumimbuwang na sana itong parang lata. Ngiting-ngiting ito sa kanya na parang gusto siyang akitin kaya tumalim ng husto ang tingin niya rito. Parang gusto niya itong sakalin. Ngunit, hindi maaari. 

May plano siyang gawin kaya kailangan ay manatili ito sa kanyang condo hanggang sa dumating si Gray. Naniniwala talaga ang pinsan niya na in-love na siya kaya kailangan ay may maipakilala siya ritong babae na nagpapatibok sa kanyang puso. Hindi nito dapat na mahalata na ang asawa pa rin nito ang itinitibok ng kanyang puso. Mahirap na siyempreng magkaideya ito na buhay pa si Hannah. Kaya’t kailangan niya itong iligaw ng husto para maging okay ang kanyang pagpapanggap bilang mabuting pinsa