Kabanata 66

( Thalia's POV )

Negros. Wala sa plano na doon ako magtatago ngunit dahil doon patungo ang unang biyahe ng barko kaya wala na lamang akong nagawa kundi sumugal at doon na makipagsapalaran.

"Mag iingat ka Thalia. Nice meeting you." Turan ni Rigor kaya kahit papaano'y tipid ko itong nginitian. Nagpasalamat pa rin ako sa tulong na ginawa niya kahit naiinis ako dun sa pagyakap niya ng walang paalam at sa pagnakaw ng halik.

"Aalis na 'ko. Salamat din. Ikaw na rin ang magpaabot ng pasasalamat ko kay Krista." Puno ng sensiridad na sambit ko bago tuluyang umakyat papasakay ng barko.

May dalawampung libong pinabigay si Krista kaya sobra sobrang laking tulong na nito sa pagsisimula ko ng panibagong buhay. Unang una kong gagawin ay ang maghanap ng matitirhan at sunod ang paghahanap ng trabaho.

Wala akong dalang kahit anumang gamit kundi ang tanging lumang suot ko lang. Kaya kung saang lugar man ako mapapadpad sa Palawan at dalhin ng aking mga paa, magsisikap ako hindi lang para sa akin