Kabanata 62

( Thalia's POV )

Naging mapagmatyag ako sa mga sumunod na oras. Umalis na ang halimaw na Maximus kaya sinimulan ko na agad ang pagluluto lalo pa't dapit hapon na. Ang bilin ni Krista ay gawin ko raw ang plano sa gabi, iyong siguradong madilim na. Sisiguraduhin niya naman daw na hindi makakauwi si Maximus sa mga oras na iyon kaya huwag akong magmadali para maisakatuparan ng maayos ang lahat.

"Uuhmmmm ang bango ah! Naku! Tiyak mapapalaban na naman kami sa kainan nito Ms. Thalia." Puri ng isang tauhan ng halimaw na pumasok sa kusina para uminom ng tubig.

Ngumiti lang ako ng marahan. "Salamat po kuya." Tipid na sagot ko at di na nakipag usap pa sa kanya dahil iniiwasan ko ring magkamali ng sasabihin.

Buti nalang at hindi na rin ito nagtagal. Dinamihan ko ang pagluluto ngayon ng ulam para malagyan ito lahat ng gamot. Para makasigurado akong marami talaga silang makain gaya ng bilin ni Krista. Mamahalin naman daw ang gamot na ito kaya eepekto rin ito ng mabilisan.

Kaya naman ng ma