Kabanata 141

"Let's go!" Baritonong tugon pa ni Calex sabay kuha ng mga bag ni Krissy na nasa trolley ng gwardiyang si Philip. At mabilis niya iyong inilagay sa kanyang sasakyan.

Parang naestatwa si Krissy at halos hindi niya maihakbang ang kanyang mga paa para sumunod kay Calex. Lubhang nagulat din siya sa biglaang pagsulpot ng lalaki. Lalo pa't mukha pa itong irritable.

"What now? Sasama ka ba o hindi!?" Inis na tanong ni Calex nang hindi pa rin gumagalaw si Krissy.

Bigla nalang nanumbalik sa realidad si Krissy dahil sa naririnding sigaw ng lalaki. Binalingan pa niya si Philip at tipid na nginitian bilang pasasalamat bago siya nagmadaling humakbang patungo sa nakaparadang sasakyan ni Calex. Ni hindi na nga siya pinagbuksan pa ng lalaki.

'Ano pa nga ba ang aasahan niya!?'

Tahimik siyang umupo sa tabi ni Calex. Pagkatapos niyang mailagay ang kanyang seatbelt ay mabilis ding pinaharurot ng lalaki ang sasakyan nito paalis.

Lihim na nagpakawala ng malalim na buntong hininga si Krissy. Sa inaasal kas