CHAPTER 7 - INVITE HER

“Xander?”

Nag-angat ng tingin si Xander mula sa telepono niya. 

Ngumiti si Cassandra kay Xander, tapos ay pilit iniangat ang sarili para maupo sa hospital bed. Agad namang tumayo si Xander nang makita na kumikilos ang ina.

“Mommy, ang tigas talaga ng ulo mo,” sermon naman ni Xander sa ina habang inaalalayan ito sa pag-upo.

“Alam mo, aral na aral ka sa Lolo Judd mo,” sagot naman ni Cassandra.

“Tsk! Sabi mo kasi kanina, uuwi ka na. Ano'ng ginagawa mo run sa construction site ng coffee corner?”

Umilap bigla ang mga mata ni Cassandra. 

“Ikaw naman, dumaan lang naman ako dun para sumilip. Nagkataon lang na biglang nag-shoot down ang sugar ko,” katwiran niya. 

“Mabuti na lang may nakakita sa ‘yo. Paano kung wala?”

“By the way, where is that lady?” 

Kumunot ang noo ni Xander. 

“who? Tori?” 

“Kilala mo siya?”

Nagkibit-balikat si Xander.

“Well, she’s the designer whom Xia recommended.”

Tama pala ang hula ni Cassandra sa babae. Pinigilan niya ang sarili na ma-excite, sabay tanong uli kay Xander.

“So, nasaan na siya? I want to thank her.”

“I don't know. Baka umuwi na. Usually, sumasaglit lang siya dun sa area ng construction to check some things, then aalis na.”

Natuwa si Cassandra sa isiping updated pala ang anak sa presensya ni Tori. Pero siyempre, hindi niya iyon pwedeng ipahalata sa anak na panganay. 

“Please check, anak. And…kindly know where she resides. Pupuntahan ko siya. I want to thank her personally.”

“‘My… hayan ka na naman… sabi ng huwag kang umaalis mag-isa, di ba?”

“Hmp! Alam mo, kasing istrikto ka na ng Lolo Judd mo. Bawasan mo nga ang kaka-bonding sa kanya.”

Mahinang tumawa si Xander. Alam na alam nilang magkakapatid ang ginawang pagtakas ng Mommy niya noong eighteen siya sa kabila ng paghihigpit mng ama nito na si Judd Madrigal, para lang makaranas siyang makapasok ng bar na isa sa mga ipinagbabawal sa kanya noon. Unfortunately, someone from the bar drugged Cassandra and she accidentally ended up in bed with a stranger, his father Jordan. Pero nagising na lang si Jordan na wala na si Cassandra sa tabi niya na hindi alam ang pangalan at tirahan niya. But love finds a way, so the rest is history.     

“Mommy, kung para na akong si Lolo, eh di sana pinaghiwalay ko kayo ng kuwarto ni Daddy,” nakatawang sabi ni Xander.

“Don’t you dare, Xander Syjuco. Huwag na huwag mong gagawin ‘yan,” pagbabanta ni Cassandra sa anak.

Muling tumawa si Xander sa inakto ng ina kaya naman irap ang iginanti ni Cassandra sa anak. 

“Huwag mong ibahin ang usapan, Xander. I am serious. Kung ayaw mo akong magpunta mag-isa sa bahay ni Tori, samahan mo ako. I insist.” 

“Okay. Ganito na lang, ‘My.” Alam naman ni Xander na hindi titigil ang ina. “Why not just invite her to our house? Dinner?” suhestiyon niya.

Namilog ang mga mata ni Cassandra. 

“Yes… I like that idea, anak! But for now, uwi na tayo. Miss ko na ang Daddy mo,” ungot ni Cassandra sa anak. 

Naisipan namang biruin ni Xander ang ina. 

“‘My, masyado pang maaga para magkulong kayo ni Daddy sa kuwarto n'yo. Baka magulat ang mga katulong sa bahay kung bakit may umaalulong dun.”

Napamaang si Cassandra. 

“Xander?!”

Isang malutong na halakhak lang ang isinukli ni Xander sa ina. 

HINDI mapakali si Xander. Hindi niya alam kung paano aayain si Tori sa hapunan na napag-usapan nila ng inang si Cssandra nung nasa ospital pa ito. Naisipan niyang tawagan ang bunsong kapatid. Tutal, kaibigan naman ni Xia si Tori. 

“Baby sis.”

[“Yes, pinakaguwapo kong Kuya?”]

“Pinapa-invite ni Mommy si Tori sa bahay. Gusto lang daw niyang magpasalamat sa kanya over dinner.”

Habang sinasabi ni Xander iyon sa kapatid ay palihim siyang umusal na sana ay agad na pumayag ang bunsong kapatid.

[“Why me?”]

Hindi nagkamali si Xander. Knowing her baby sister, nahulaan na niyang ganito nga ang magiging reaksyon ni Xia. 

“Why not you? Kaibigan mo siya.”

[“Pero hindi naman ako ang inutusan ni Mommy, kuya kong pinakaguwapo…”]

“Tsk! Xia…”

[“Kuya, twenty-eight ka na next year. Magi-invite lang sa dinner dinadaga pa ang dibdib mo? And to think, hindi mo naman nililigawan iyong iimbitahin mo. Si Tori lang ‘yun. Kuya.”]

“Si Tori nga kasi ‘yun…”

[“What do you mean by that, kuya?”]

“Ha? I mean si Tori ‘yun. Ikaw ang may kaibigan sa kanya, hindi naman ako.”

[“But technically, she works for you now.”]

Napakamot sa tungki ng ilong niya si Xander. Kahit kailan talaga, mabilis mag-isip ang bunsong kapatid.

“Baby sis… Sige na… Ang dali lang naman ng gagawin mo…”

[“Madali lang pala. Then do it yourself, Kuya. Bye!”]

Agad na nag-panic si Xander sa pagpapaalam ng bunsong kapatid. 

“Xia, wait! “

Pero nawala na ang kapatid sa kabilang linya. Napahugot na lang ng malalim na hininga si Xander. Hindi naman niya magawang magalit sa bunsong kapatid. Mula nang maliit ito, prinsesa na ang turing nilang lahat sa nag-iisang babae ng mga Syjuco. Kaya nga nang hilingin ni Xia na gusto nitong mag-aral ng Interior Design sa Canada ay wala silang nagawang lahat kung hindi ang pumayag. Kahit na ang ibig sabihin nito ay malalayo sa kanila ang bunsong kapatid at hindi nila ito mababantayan. 

Napatitig si Xander sa screen ng telepono niya. Wala na siyang ibang choice, na-oohan na niya ang ina na isasama niya si Tori sa bahay nila. Kahit kailan ay hindi niya binigo ang ina. Iyon ang ganti niya sa ina sa mag-isang pagpapalaki sa kanya noong mga panahong hindi pa nila nadidiskubre na si Jordan Syjuco ang kanyang ama. 

“Here we go, Xander.” 

Hinanap niya ang pangalan ni Tori sa phonebook ng telepono niya. Hindi alam ni Xander kung gaano katagal niya tinitigan muna ang pangalan ni Tori sa screen ng telepono niya. Pakiramdam din niya ay bang-basa na ang kilikili niya sa tensyon na nararamdaman niya ngayon. Sa isip-isip niya, tama nga si Xia. Simpleng hapunan lang naman ang mangyayari, pero bakit tense na tense siya?  

Humugot muna siya ng malalim na hininga, at saka ipinuwesto ang daliri niya sa tapat ng pangalan ni Tori.

“This is it.” 

[“Yes, hello?”]

Tumikhim muna si Xander bago sumagot kaTori. 

“Can I invite you to dinner?”

Huli na nang maisip ni Xander na mali pala ang paraan ng pagkakasabi niya sa pag-imbita kay Tori. It seems that he is asking Tori for a dinner date with him. 

~CJ