Chapter 269: The Movie Marathon

NAPALINGON si Reymond sa kanya. Nagtatanong ang mga mata nito at bakas ang pagkadismaya sa anyo nito. 

“Kung may balak kang bumili ng pares ng alahas huwag na. Hindi ko kailangan, maraming bagong set ng alahas na niregalo sa amin ni Mommy si Ivana,” paliwanag ni Denise para pawiin ang lungkot na dumaan sa mukha nito. 

“Ganon ba? Sayang naman gusto ko sanang meron tayong remembrance,” bakas sa boses ni Reymond ang lungkot. 

“Huwag na nga. Hindi kailangan. Totoo ang sinabi ko, bagong gawa ni Ivana ang disenyo ng mga alahas na iyon galing pa sa London kung saan nakabase ang business ng lola niya.” 

Nagkitbit-balikat na lamang si Reymond. “Sige na nga. So, ano na ang sunod nating gawin?”