Chapter 153: Andrei's Christening Celebration -2

Lalong siyang namula sa ginawa nito at kaya't bahagya niyang siniko ito sa tagiliran kahit hirap siyang gumalaw dahil karga niya si Andrei. 

"Tingnan mo ang apo natin kahit hindi pa gaanong nakakakita parang nakatingin sa ating dalawa habang naglalambingan tayo," bulong ni Brent sa punong taenga niya. 

Nakakakiliti sa pandama niya ang ginawa nito dahil dinagdagan pa nito ng pagbuga ng hangin nito mula sa bibig.

"Umayos ka nga may mga taong nakatingin sa atin, nakakahiya naman sa kanila," muling paalala niya rito. 

Dumukwang si Brent at tiningnan ang apo, "aba, tingnan mo naman titig na titig sa mukha ko. Nagagwapuhan sa lolo o, naalala ko tuloy si Denise noong maliit pa, sobrang ligalig panay karga lang lagi ang gusto pero itong anak niya tahimik at mabait