Eleven

“Ni minsan ba’y hindi kayo dinalaw ng signal dito?” tanong ko at pilit pang ihaba ang aking braso habang dala-dala ang cellphone.

Kasalukuyan kaming nasa itaas ng punong mangga ni Nica‚ pero hindi talaga ako makahagilap ng punyawang signal.

“Wala talaga.” Umiiling-iling na tugon nito. “Bakit naghahanap ka ng signal?”

“Nais ko sanang kumustahin si dad.” sabi ko.

Napansin ko ang lungkot sa mga mata nito at pagkaraa’y nagliwanag ang mukha.

“Pero alam mo‚ may nasabi sa akin si Samuel no’n na may kaunting signal roon sa may pangpang.” masayang aniya.

Tatlong araw na nang umalis si Samuel papuntang Manila at sumama si Sal sa kaniya na masama ang loob dahil sa ginawa kong pagbitin sa kaniya.

“Sasamahan mo ba ako?” tanong ko sa kaniya.

“Oo naman.” nakangiting anito at nauna nang bumaba.

Kasalukuyan naming binabagtas ang daan sa naturang pangpang. I can smell and feel the salty air. This is relaxing. Malapit na kami sa aming pupuntahan nang may marinig kaming kaluskos at mga yabag. Maagap kong