Kabanata 8.6

Kabanata 8.6

Lumabas si Aiven ng kwarto niya para pumunta sa kusina. Nakaramdam kasi siya bigla ng gutom. Nang makita niyang bukas ang pinto ng silid ng kinakapatid niya ay hindi na siya nagdalawang-isip na kumatok sa pinto. “Ate, okay ka lang ba? Almost midnight na pero gising na gising ka pa,” nag-aalalang sambit niya habang nagkukusot ng kaniyang mga mata.

“Nahuli na nina Uno at Dos ang tunay na magnanakaw,” malungkot na wika ni Arya.

Nagtaka si Aiven sa tono ng pananalita ni Arya. “Hindi ba dapat nagdidiwang ka? Bakit parang pinagsakluban ka ng langit at lupa?” usisa niya.

“She's not just anyone. She's not a stranger to me.” Bumagsak ang mga luha ni Arya pagkasabing-pagkasabi noon.

Ngayon lamang napansin ni Aiven ang bote ng vodka sa bedside table ng ate niya. Bigla siyang kinabahan. Hindi kasi ito basta-basta umiinom ng vodka kung hindi malala ang problema nito. Dahan-dahan siyang umupo sa sulok ng kama. Hindi niya alam kung ano ang pumasok sa isip niya at bigla niyang niyakap an