Chapter 48

Sandra's POV

MARIIN akong napalunok nang magsimulang magsalita si Lucas.

"ALAM kong mahal mo pa rin ako, Sandy." Natigilan ako dahil sa kanyang sinabi. "The way you respond to me says it all," dugtong niyang salita.

Marahan akong umupo sa kama at huminga nang malalim. Sa tingin ko wala na akong dapat pang itago. Kung may tama mang panahon upang sabihin sa kanya ang nilalaman ng puso ko, tingin ko ito na ang panahon na iyon.

"Oo, Lucas. Inaamin kong ikaw pa rin ang mahal ko. Inaamin kong hanggang ngayon, alipin pa rin ako ng nakaraan mo," sunod-sunod kong tugon sa kanya na walang pagpigil sa sarili.

"Then why don't we give it a try?" malumanay na tinig ni Lucas.

"L-Lucas, natatakot ako."

Mariin kong kinuyom ang aking kamay habang iniisip ang mga taong masasaktan sa pagmamahalan naming ito.

"Don't be. Nandito ako, Sandy. Ngayong nandito na ako, hindi ko na hahayaang may mangyari pa sa 'yo, sa inyo," aniya. "I will make sure na mabubuo ang pamilya natin."

"Paano si Gab? Paano si Trina?"