Chapter 02

"Fhey? Handa ka na ba?"

Dinig kong tanong ni tita sa labas ng kwarto ko. Lunes na at ngayon ang unang araw ng school.

"Opo, palabas na po!"

Pasigaw na sagot ko. Binilisan ko na kumilos at lumabas na ng kwarto. Wala na si tita sa labas at mukhang tinawag lang ako.

"Ang tagal mo naman!"

Naiinis na reklamo agad ni Kiro. Naka-uniform na siya at ready na talaga.

"Taray mo naman, ang aga aga inaaway mo kapatid mo!"

Bumababa pa lang ng hagdan si kuya Zion. Mukhang siya ang maghahatid sa amin dahil may dala siyang susi.

"Tara na. Excited ka na ba makita bebe mo? Akala mo naman sampung taon hindi nagkita!"

Umakbay si kuya kay Kiro habang papalabas kami. Pilit naman tinatanggal ni Kiro ang braso ni kuya Zio sa balikat niya.

Sa unahan umupo si Kiro kaya ako lang mag-isa ang nasa likod. Hindi kalayuan ang school mula sa subdivision nila kaya hindi kami natagalan sa sasakyan.

Greenfield Private Academy

Huminto saglit ang kotse sa may gate para i-verify na may nag-aaral dito sa mga nakasakay. Ipinakita na lang ni Kiro ang ID niya para mabilis ang proseso.

Nakatingin lang naman ako sa labas at pinagmamasdan ang mga babaeng naka-uniform. Hindi nalalayo sa uniform ko sa dati kong school, iba lang ang kulay at wala silang blazer. White long sleeves button down shirt, brown necktie at brown pleated skirt lang ang uniform nila.

"Dito na kayo. Hoy, ikaw! Huwag mo iwan-iwanan 'tong kapatid mo, sisipain ko mukha mo!"

Pagbabanta ni kuya Zion kay Kiro nang makapag-park na siya sa loob ng school. Hindi naman siya pinansin nitong isa at tuloy lang sa pagbaba.

"Ingat, Fhey. Enjoy your first day at GPA!"

"Ingat din po sa pagdrive pauwi!"

Ngumiti lang siya sa'kin bago ako bumaba. Buti na lang at mukhang natakot si Kiro at nakatayo lang siya gilid habang hinihintay ako. Tumabi na lang ako sa kaniya at pareho namin kinawayan si kuya Zion habang papaalis.

"Tara na?"

Aya ko sa katabi ko nang makalabas na ng gate si kuya Zion.

"May hinihintay ako, malaki ka na kaya mo na mag-isa!"

Walang ganang sabi niya. Akala ko naman ako na hinintay kanina. Mukhang girlfriend yata.

"Malaki na din naman 'yung girlfriend mo, bakit hindi mo din hayaan mag-isa?"

Bulong ko bago bumaling papasok ng building na kinatatayuan namin.

"May sinabi ka?"

Tumigil ako sa paglalakad at naiinis na humarap ulit sa kaniya.

"Meron. Ang sabi ko, malaki na din 'yung girlfriend mo pero bakit kailangan mo pa hintayin? Hindi naman maliligaw 'yun!"

Mataray na sagot ko sa kaniya.

Anong akala niya sa'kin pwede niya taray-tarayan na hindi ako lumalaban?

"You—"

"Kiro!"

Hindi natuloy ang sasabihin niya dahil bigla siyang tinawag ng lalaki na kakababa lang ng sasakyan. Ito 'yung tinawag niyang K.O. noong nakaraan.

At dahil distracted na si Kiro, umalis na ako doon. Kumaway pa sa akin si K.O. pero maliit na nginitian ko lang siya.

Inilabas ko ang student slip na ibinigay sa'kin ni daddy bago ako umalis ng bahay. Sila kasi nag-intindi ng transfer ko.

Morales, Fhey Kryzealle

STEM 12: Euclid

SHS Building 2

Floor 12: Room 4

"Okay, so... saan ang SHS building?"

Naglakad-lakad muna ako sa building kung nasaan ako at nagbabakasali na mapunta sa SHS building kahit wala akong ibang gawin. Ilang minuto ako nag-ikot hanggang sa marating ko ang entrance kung saan kami binaba ni kuya Zion kanina. Bigla tuloy akong nagpanic lalo na at hindi ko na makita sila Kiro dito. Iilan na lang din ang mga estudyante na naglalakad at ang iba ay nasa mga room na nila.

Gosh, 12th floor pa ako. Late ako nito sigurado. Kasalanan 'tong lahat ni Kiro.

"Excuse me!"

Napatingin ako sa likod ko ng may biglang kumalabit sa'kin. Hindi siya naka-uniform at mukhang magtatanong lang din ng direction.

"Naliligaw din ako, kuya. 'Wag ka sa'kin magtanong."

Aalis na sana ako ng bigla niya akong hawakan sa braso.

"Wait lang—"

"Ms. Morales?"

Hindi natuloy ang sasabihin niya nang biglang may sumulpot na teacher sa harapan namin.

Salamat naman, may mapagtatanungan na din ako.

"I'm Ms. Verano, GPA's dean. Kanina pa kita hinahanap. Inihabilin ka sa'kin ni Mr. Kester."

Lalo akong nakampante ng bigla niyang banggitin ang pangalan ng daddy ko. Mukhang gumamit ng connection si daddy para maipasok ako dito.

"Salamat naman po. Naliligaw na po kasi ako."

Ngumiti lang siya sa akin at inalalayan ako maglakad.

"I'll lead the way, follow me."

Sabi niya sa akin. Bigla ko naman naalala 'yung lalaki kanina.

"Ay, itong si kuya po naliligaw—"

Napatigil ako nang makita na wala na ang lalaki kanina.

"Let's go Ms. Morales, male-late ka na."

Tawag sa akin ng dean. Sumunod na din ako sa kaniya kahit medyo nagaalala kay kuya kanina.

Bahala siyang maligaw mag-isa.

Ang layo pala sa main entrance ng SHS building, buti na lang may pinadalang sugo si dad, kung hindi baka hapon na wala pa akong nararating. Tahimik lang kaming dalawa ng dean, wala naman kasi akong sasabihin at mukhang wala din naman siyang masasabi.

"It's okay to be late at your first day of school. Wala naman gagawin masiyado ngayon, kaya relax ka lang."

Medyo gumaan ang loob ko sa sinabi niya, at least sa mismong dean na nanggaling na walang problema kung ma-late ako ngayon.

"Isipin mo na lang, main event ka. Grand entrance na head turner ang pagpasok mo sa room. All eyes will be on you!"

Ang ganda ng pang-motivate mo, dean. Hindi nakaka-motivate ng mga katulad kong mahiyain.

"We're here."

'Yun na yata ang pinakamatagal na elevator ride sa buong buhay ko. Naglakad pa kami bago marating ang classroom na nakasulat sa student slip. Bawat room na madadaanan namin ay napapatingin sa akin, dahil siguro kasama ko ang dean. Malapit na tuloy mabali ang leeg ko kakatingin sa kanan para maiwasan na magtama ang mata ko sa mga nakiki-chismis.

"This is your room."

Sa wakas at narating din namin ang dulo ng mundo.

"Excuse me, your transfer student is here."

Kumatok si dean sa pinto ng room at hinintay ang teacher sa loob na buksan ito bago humarap sa akin.

Kung pwede lang manabunot ng matanda, nagawa ko na. Again, mahiyain ako. Her doing that, is probably the death of me. Sigurado nasa akin na talaga ang tingin ng lahat.

"Pasok ka na!"

Mahina niya akong tinulak papasok gamit ang kanang kamay niya. Doble doble naman ang kaba ko ng makapasok ako ng tuluyan at makitang sa akin nga nakatingin ang lahat. Yumuko na lang ako habang naglalakad papunta sa unahan.

"Ms. do you want to introduce yourself?"

Parang gusto kong magpakain sa lupa dahil sa tanong ng guro sa unahan. Unti-unti kong inangat ang ulo ko. Medyo kumunot naman ang noo ko nang una kong makita ang nagtatakang mukha ni Kiro.

Somehow, knowing that he was here calmed me down a little.

"Hi, I'm Fhey Morales. Nice to meet you!"

Medyo nahihiyang pakilala ko. Nagulat ako ng may biglang pumalakpak na malakas. I looked who it was and I saw K.O. smiling widely. Ngayon ko lang napansin na katabi pala siya ni Kiro sa kanan at nasa kaliwa niya naman si Archie, na kanina pa pala nakangiti.

"You can take the empty seat next to Leon."

Tiningnan ko kung saan nakaturo ang teacher at mas lalong nanlaki ang mata ko ng makita ko si kuyang humawak sa braso ko kanina. Malaki ang ngiti niya habang naglalakad ako papunta sa pwesto niya.

"Hindi ka naman pala naliligaw eh!"

Puna ko sa kaniya habang umuupo ako.

"Sino ba nagsabi sa'yo na naliligaw ako?"

Natatawang sagot niya. Medyo nahiya naman ako. Nag-assume kasi agad ako.

"Bakit kasi parang naliligaw ka kanina."

Napakamot ako sa ulo ko dahil sa hiya.

"IKAW ang mukhang naliligaw kanina. Kaya nga nilapitan kita."

Sinamaan ko na lang siya ng tingin dahil totoo ang sinasabi niya. At hindi lang ako mukhang naliligaw dahil naliligaw talaga ako.

"Leon nga pala."

Tiningnan ko muna ang kamay niya bago ko ito kunin at makipag-shake hands.

"Fhey."

Hindi na siya nagsalita ulit dahil nagpapaliwanag na ang teacher namin tungkol sa magiging daily schedule at subjects namin.

Habang tumatagal ay nararamdaman ko na parang may nagmamasid sa'kin, bigla tuloy akong nakaramdam ng hindi pagkakumportable. Lumingon-lingon ako at unang lingon pa lang na kumpirma ko na ang hinala ko. Una kong nakita ang nakangiti na mukha ni K.O. habang nakapangalumbaba at direktang nakatingin sa'kin. Nawala lang siya sa paningin ko ng biglang mag-bend pauna si Leon at harangan ang gitna namin ni K.O.

"Let's block the bad vibes early."

Paliwanag niya sa'kin ng tumingin ako sa kaniya. Mahina akong natawa at tumingin na lang sa unahan. Nadidinig ko naman na tinatawag ni K.O. si Leo pero nadinig ko din na pinatatahimik siya ni Kiro.

"Epal ka, Leon!"

Lumapit sa pwesto namin si K.O. matapos lumabas ng teacher namin. Break time na kasi.

"What do you mean?"

Inosenteng tanong ni Leon sa kaniya. Nagpangalumbaba pa ito.

"Upakan kita diyan eh!"

Inambaan niya ng suntok si Leon pero hindi manlang natinag itong katabi ako. Tahimik lang naman ako na nanonood sa kanila.

"Bakit mo kasi tinititigan ang kapatid ni Kiro, Onyx."

Napatingin ako sa lalaking nakaupo sa kilod ni Kiro. Nagtataka ako kung paano niya nalaman na may koneksyon kami ni kiro? At sino si Onyx? Si K.O.?

"Isa ka pa Jed, epal ka!"

Sigaw ni K.O. sa kaniya. Nakatitig lang ako doon sa lalaki tsaka ko na-realize kung saan ko siya nakita. Isa siya sa mga kausap ni Kiro sa mall noong nakaraang araw. Kumaway siya sa'kin ng mapansin na nakatitig ako sa kaniya kaya agad akong umiwas.

"OMG! Kiro, may kapatid ka?"

Umingay na ang buong klase kaya napatingin ako kay Kiro. And as expected, he looked pissed as hell. Pero hindi sa'kin, kundi sa lalaki na nasa likod niya.

"QUIET! She's my stepsister, okay na? Masaya na kayo?"

Natahimik kaming lahat. Oo pati ako. Hindi ako makapaniwalang isinigaw niya 'yun. I mean, totoo naman pero bakit kailangan niya pang i-announce. Hindi niya ba kayang manahimik na lang sa isang tabi at hayaan sila magtaka? Mysterious type, gano'n!

"Magkapatid kayo?"

Napatingin ako kay Leon na gulat na gulat at hindi makapaniwala sa nadinig niya.

"You heard him."

Pagkumpirma ko.

"Kapatid mo pa rin 'yan, ang dami mo pang sinabi."

Sigaw naman ni Jed sa likod.

"Fhey, I like you!"

Kay K.O. naman napunta ang tingin ko na ngayon ay nasa upuan na sa harapan ko. Nagsigawan lalo ang mga kaklase namin dahil sa sinabi niya.

Oh, shit. This year will be chaotic.

"It's your fault!"

Nagulat ako ng biglang sumulpot si Kiro sa tabi ko. Naglalakad ako ngayon papunta sa canteen at nasa unahan ko si Leon.

"Ha!? Bakit ako!? Ako ba 'yung sumigaw kanina?"

Pagdedepensa ko sa sarili ko. Napalingon si Leon sa aming dalawa at nang mapansin niyang nakasunod ako sa kaniya, huminto siya saglit para sabayan ako maglakad.

"Bakit kasi pareho tayo ng section?"

Tuloy padin ang reklamo ng isa ko pang katabi.

"Anong malay ko!?"

Naiinis na ako sa lalaking 'to.

"Huwag mo naman bigyan ng stress ang binibini ko, Kiro!"

Napa-irap agad ako ng madinig ang boses ni K.O. sa likod ko.

"Tantanan mo si Fhey, sinasabi ko sa'yo!"

Pagbabanta ni Kiro kay K.O. Binilisan ko na lang ng lakad para malayo sa mga epal sa likod. Buti na lang at sumabay padin sa'kin si Leon, dahil hindi ko alam kung saan ako pupunta. Sumakay pa kami ng elevator pababa para makapunta sa canteen na nasa 3rd floor daw, sa kasamaang palad, kasabay pa rin namin sila Kiro. At kahit makarating kami sa mismong canteen ay nakasunod pa rin sila sa'min.

Siyempre, pareho kami ng pupuntahan eh.

"Kiro, Here!"

Napatingin ako sa kanan ng biglang may sumigaw sa pangalan ni Kiro. Nilapitan naman agad siya ng kapatid ko at nakasunod sa kaniya ang mga kaibigan niya. Kumunot ang noo ko ng biglang mag-flying kiss si K.O. sa'kin habang naglalakad papunta sa table nila.

Nagkatinginan kami ng babae at mukhang siya ang girlfriend ni Kiro, dahil hinalikan niya ito sa pisngi ng makalapit. May kasama pa siyang dalawa pang babae na nakatingin din sa akin.

"Fhey, tara!"

Napunta kay Leon ang tingin ko ng tawagin niya ako para pumila sa counter at umorder ng pagkain. Madaming tao sa canteen at laking pasasalamat ko dahil mukhang sikat si Leo kaya may nag-offer sa amin ng table kaya naka-upo kami agad.

Muli akong napatingin sa table kung nasaan sila Kiro. Kumunot ang noo ko nang makitang may pinagtitripan ang mga kaibigan niya. Mukhang freshman ang binubully nila dahil mukhang bata pa 'to. Wala namang magawa ang mga kaibigan ng bata na nasa gilid lang at pinapanood ang kaibigan ng may takot din sa mukha.

"That's why I called them bad vibes. They're a bunch of bullies!"

Dinig kong bulong ni Leon. Napansin niya siguro na nakatitig ako sa pwesto nila Kiro.

"Are they always like that?"

Tanong ko kay Leon pero hindi pa rin inaalis ang tingin ko sa grupo nila.

"Yes. Kilala na nga sila sa buong school eh!"

Sagot niya habang sumusubo ng pagkain.

"Walang ginagawa ang school?"

Nadinig ko ang pagtawa niya ng sarkastiko.

"Archie's mom is the dean. Jed's dad is one of the board members. Onyx's parents are the owners. Ano sa tingin mo ang gagawin ng school?"

I can't believe they're using their position and power to do something stupid like this. And I can't believe Kiro's part of it.

"Wala naman ginagawa kapatid mo eh!"

"And that's the problem. He's not doing anything."

Nawala lang ang tingin ko sa kanila nang biglang may magbaba ng tray sa table namin. Dalawang babae at dalawang lalaki ang naki-share ng table sa amin.

"These are my friends. Yesha, Monic, Ethan and Jasper."

Pakilala ni Leon sa kanilang apat, kumaway lang naman sila sa'kin at nag-Hi lang ako sa kanila.

"Bakit hindi kayo sumabay kanina?"

Tanong ko sa kanila. Si Leon lang kasi ang naglalakad kanina papunta dito, pero alam kong magkakaklase kami.

"Si Leon talaga ang unang umaalis kasi siya ang taga-save ng table. Heartthrob 'yang bebe namin na 'yan eh!"

Sagot ni yesha na may halong pangaasar kay Leo, kinurot pa ang pisngi niya kaya naiinis na umiwas si Leo.

"Hala! Iiyak ka na!?"

Napatingin na naman ako sa table nila Kiro nang biglang may sumigaw. Mas lalo akong naawa sa batang binu-bully nila, mukha talagang iiyak na siya.

"There they go again."

"Mahihina lang naman binu-bully nila, mga takot kasi sa alam nilang kaya silang labanan!"

Magkasunod na sabi nila monic at Jasper.

"Iyak ka na, AMPON ka naman!"

Lalong uminit ang ulo ko sa sinabi ni Archie sa bata. Parang may biglang sumabog sa loob ko at bigla akong napatayo. Napatingin silang lahat, pati si Kiro ay parang nagaalalang tumingin sa'kin.

"Don't, Fhey. It's not worth it!"

Hinawakan ako sa braso ni Leon at pinipilit umupo ulit.

"Kung manonood lang tayo, ano pinagkaiba natin kay Kiro?"

Sinabi ko 'yun habang direktang nakatitig sa kaniya. Hindi ko alam kung dinig niya ba ako o naiintindihan niya, pero wala akong pakialam.

"Baka madamay ka Fhey, 'wag na!"

Dinig kong pigil din sa'kin ni Ethan.

"Hindi naman siguro ako gagalawin ni Kiro, diba!?"

Tumingin ako sa kanila para tiningnan kung ano ang opinion nila base sa mga expressions nila. They all looked away from me.

"Hindi ka sure!"

Si Leon lang ang direktang nakatingin sa'kin at seryosong umiling. Nakahawak pa rin siya sa braso ko kaya napaupo din ako.