FORGIVE AND FORGET?

“BUHAY PA PALA ang animal,” ang nanggigigil na nasambit ni Brendon habang palakad-lakad sa maliit na kuwartong kanyang inuupahan, “may sa pusa ang gago. Akalain ko bang mabubuhay pa ‘yon sa tindi ng aksidenteng kanyang inabot?”

Si Owen (na akala niya’y si Russel) na kanyang tinakbuhan ang nasa isip ni Brendon. Hindi maunawaan ng kanyang isip kung paano nakaligtas sa kamatayan ang anak ni Theodore.

“At parang walang aksidenteng pinagdaanan ang hunghang. Ang kinis pa rin ng balat at walang kahit kapirasong peklat!”

Patuloy ang kanyang pagtataka. Bumabalik-balik sa kanyang isip ang buong anyo ng inakala niyang si Russell.

“Ang laki ng katawan niya ngayon,” sapo ng dalawang daliri ang kanyang noo . Nagsisimula nang smumpong ang kanyang miraine paro patuloy siya sa pag-iisip na tila ba bumubuo ng isang napakahirap na palaisipan, “grabe! Kailan pa kaya siya nag-umpisang mag-gym?”

Isang malalim na palaisipan sa kanya ang malaking ipinagbago ng katawan ni Russell. Kung paanong sa loob nan