BRENDON MEETS SHELEY

NAGSISIMULA NANG MAGLIWANAG ang madilim na langit, ngunit nakatitig pa rin sa kisame si Shelley. Magdamag siyang gising. Gulo ang isip. Paulit-ulit na bumabalik sa kanyang isipan ang mga gunita ng kahapon.

Kung paano niya nakilala si Russell.

“Ipapagawa ko na lang ang pader na nasira ko,” wika noon nito sa kanya matapos mabangga ng kotse nig lalake ang dinding ng kanyang bahay, “I’m Russell," pagpapakilala nito sa sarili.

Pag-ibig sa unang pagkikita ang naramdaman niya sa lalaking lingid sa kanya ay anak ng sikat na negosyante at bilyonaryong si Theodore Rossell.

Mariin niyang ipinikit ang kanyang mga mata, at sa dilim niyon ay kanyang nakita ang pagsabog ng sasakyang kinalululanan niya kasama si Russell, pagkatapos niyang makalabas doon.

Muli siyang dumilat.

“Natatandaan kong may mga salamin na bumaon sa kanyang mukha,” pag-iisip niya, “bakit wala siyang kahit isang galos noong pinuntahan niya ako sa ospital? At kahit kapirasong paso sa kanyang balat ay wala akong nakita! Paano