THZ 63 - CHASING HIS WOMAN

“Hello, Kuya.” Bungad ni Rheniel ng sagutin na niya ang tawag ni Rhayan.

“Anong balita?” tanong ng isang baritono na boses mula sa kabilang linya.

“Wala ng problema Kuya. Pinauwi ko na muna si Don Fernan upang makapag pahinga.”

“Anong nangyari doon sa kapatid niya?” tanong nito.

“Ayun, pinakain ko sa aso ang daliri niya.”

“What?” gulat na reaksyon nito.

“Kuya naman. Huwag mong sabihin na hindi kasama yan sa parusa mo. Sinabi ng tauhan mo na pinuputol ang daliri ng sinuman na nagkasala. Kaya iyon ang ginawa ko.” paliwanag niya habang binubuhay ang makina ng kanyang bagong bili na hybrid sports car– ang Aston Martin Valkyrie. Binili niya ito dahil nalaman niyang mahilig si Brenda sa car racing tulad din niya. Plano niyang isama ito sa South City upang sumali sa competition. Ngunit mukhang malabo na mangyari iyon dahil tiyak sa gagawin niya maari na namang bumaba ang langit sa lupa mamaya.

“Rheniel, nandyan ka pa ba?”

Ipinilig niya ang kanyang ulo ng marinig ang boses ng kanyang kuya.