THZ 65 - I CAN'T WAIT TO SEE MY SON.

“Bakit? May kulangot ba ako sa ilong?’ Nagtataka na tanong ni Brenda ng mapansin na nakatulala si Rheniel habang nakatitig sa kanyang mukha. Kanina pa niya winawagayway ang kanyang mga kamay sa mukha nito ngunit tila hindi man lang ito kumurap. Nanatiling nakatitig ito sa kanya, na para bang hindi makapaniwala na nasa harap siya nito. Ilang sandali pa, nagulat na lang siya ng bigla siya nitong niyakap ng mahigpit.

“Small world, isn’t it? Sino ang mag-akalang ang matagal ng hinahanap ni Mommy na bestfriend niya ay ina mo pala.” Puno ng emosyon nitong wika sa kanya. Biglang lumakas ang tibok ng puso niya dahil sa narinig.

“Teka, sandali,” Kumalas siya ng yakap rito. “Ano ang ibig mong sabihin?”

“Si Kim Mijares ay sekretarya noon ni Mommy hanggang sa nakilala niya si Daddy. Naging matalik silang magkaibigan at siya ang naging karamay ni Mommy noong mga panahon na nagkakalabuan sila ni Daddy. Bakit ko alam? Dahil bata pa kami, lagi na itong kinu-kuwento ni Mom at Dad sa amin. Lahat sa b