THZ 62 - CONSEQUENCES

SA KABILANG BANDA, galit na galit si Fernan ng mapansin na nakagapos ang buong katawan niya sa silya. Ang mga kamay niya ay naka gapos sa kanyang likuran, ang kanyang mga paa ay pinag-isa na tinali. Maging ang kanyang bunganga ay mayroong busal. Kanina nasa opisina pa siya nang biglang dumating ang kapatid niyang si Ramy. Hiningi nito na ibalik niya ang shares nito ngunit hindi siya pumayag. Matagal pa muna silang nagsigawan hanggang sa dumating na rin ang anak nito na si Jed. Lumapit ito sa kanya at mayroong pinaamoy sa kanyang ilong dahilan upang mawalan siya ng malay. Paggising niya ito na ang nangyari sa kanya.

Gusto niyang sumigaw ngunit hindi niya magawa dahil may busal ang bunganga niya.

Umangat siya ng mukha at tiningnan ang direksyon ng pintuan ng makarinig siya ng pagpihit sa doorknob. Nanlaki ang mga mata niya ng makita ang kapatid na si Ramy na pumasok.

"Ano ang ibig sabihin nito, Ramy?" Singhal niya rito ngunit hindi malinaw kung ano ang sinasabi niya dahil busal na na