THZ 58 - THE STORY BEHIND NOSTRAELITA

Mabilis na kinuha ni Rhayan ang charger ng laptop at sinaksak iyon. Muling lumitaw si Ciela at binati sila. Kung pwede lang ni Dustin e-skip ang laging sinasabi nito sa intro ay ginawa na niya upang hindi na maantala ang panonood nila.

“Oh, ano pa ang hinihintay mo?” tanong ni Dustin kay Ciela ng makitang tulala pa rin ito habang nakatingin sa kanila.

“Naghihintay nes ng nes mga nes tanong nes nyo nes.” sagot ni Ciela kay Dustin.

“Damn, Ipakita mo na ulit sa amin kung ano nangyari kay Jimmy after nilang lumabas ng hotel.” naiiritang sagot ni Dustin.

“Sure nes master nes Dustin nes.”

Nagngingitngit talaga ang mga ngipin ni Dustin kapag naririnig na tinatawag siya ni Ciela ng Dustines, pakiramdam niya nagmumukha siyang bakla sa pangalan niya.

"Easy Dad, hayaan niyo susubukan kong ayusin ang program ni Ciela upang mawala na ang nes niya sa dulo." wika ni Rhayan ng makitang aakyat na naman ang dugo ng ama. Muli silang nagfocus sa panoonood ng video.

Makikitang nakasunod si Jimmy sa liku