KABANATA 2 - ANNULMENT

8 O'CLOCK, Lunes ng umaga, sa isang malawak na conference room na nasa 65^th floor ng Riego Corporation Building.

          Hindi maipinta ang mukha ni Marco sa galit, dahilan kung bakit mainit din ang hangin sa buong conference room.

          Ang mga board member at high-level officer ay naroon at nagkakatinginan, tila hindi alam kung ano’ng gagawin o kung magsasalita ba ang mga ito.

          Silang lahat ay naghihintay sa pagdating ni Secretary Anna De Vera. Kahit kailan ay hindi ito nakagawa ng pagkakamali sa trabaho, lalo na ang ma-late sa mga meeting. Ngunit late si Ms. De Vera nang araw na ‘yon. Halos bente minute na ang lumipas nang magsimula ang meeting, at wala pa rin ni anino ng secretary ni Marco.

          Napatingin sa lalaki ang assistant nitong si Xian. Alam na ni Xian kung ano’ng delubyo ang mangyayari kapag hindi pa nakarating si Anna sa meeting kaya naman lihim niyang kinuha ang kanyang phone sa bulsa para sana i-text si Anna. Pero bago pa man niya mai-send ang text ay bumukas ang double doors ng conference room.

          Taas-noong pumasok si Anna. “I’m sorry for keeping everyone waiting,” aniya.

          Lahat ng mga tao sa conference room ay tulalang nakatingin kay Anna. Tila ba hindi makapaniwala ang mga ito sa kanyang pagbabago.

          Si Ms. Anna De Vera ba ang nasa harap nila?

          Ang noong nakapuyod na kulay itim na buhok niya ay wala na, bagkus ay nagmistulang foreigner ito dahil sa kanyang orange-pink at kulot na buhok. Daig pa ang isang rebelde. Her hairstyle resembled a famous celebrity, but her skin was fair and flawless.

          Ang dating makapal at kinakalawang na salamin sa mata ay hindi na rin niya suot. Dahil doon ay mas maging depina ang maganda’t matangos niyang ilong. Kita rin ang maliit na nunal sa gilid ng kaniyang kanang mata, na mas lalo pang nagpaganda at nagpabata sa kanya.

          At ang kanyang labi ay namumula sa suot na pulang lipstick.

          Mas lalo pang umangat ang kaniyang charisma sa suot na black leather jacket at ripped jeans.

          Halos lahat ng mga lalaki sa conference room ay hindi maialis ang tingin sa kanya, hindi makapaniwala na ang mahinhin at tahimik na si Secretary De Vera ay siya ring magandang babaeng nakatayo sa harapan nila.

          Maging si Marco ay nasurpresa sa malaking pagbabago ni Anna. Matagal na siyang kasal sa babae. Palagi niya itong nakikita na suot ang makapal nitong eyeglasses, mahaba at makapal ang itim at tuwid na buhok at palaging nakadamit na animo’y isang manang. Kaya ngayong ibang-iba ang Anna na nasa harap niya ay hindi niya mapigilang mamangha sa babae. Ni hindi niya inakala na sexy pala ito!

          ‘Ano sa tingin niya ang ginagawa niya?’ Naisip ni Marco.

          Subalit, hindi pinansin ni Anna ang mga malalagkit na tingin sa kanya ng mga board member at officials na naroon. Ang kanyang mga mata ay nakatuon kay Marco Riego.

          Nagtaas ng kilay si Marco. Mula pa noon ay alam na nitong sa kabila nang pagiging simple ni Anna ay maganda ito. At habang tinitingnan niya ito nang patago noon, mas lalo siyang nakukumbinsi na may angking charisma ang babae, lalo na ang mga mata nito na kung tumingin ay palaging may pagmamahal.

          Ngunit ngayon ay hindi mahagilap ni Marco sa mga mata ni Anna ang emosyong madalas niyang makita rito noon. Ang mga mata nito ay malamig, at blangko. Ni walang pagmamahal sa gawi nang pagkakatitig nito sa kanya, na para bang ni minsan ay hindi siya nito pinahalagahan.

          Nangibabaw ang init ng kanyang ulo.

          “Anong ibig sabihin nito, Ms. De Vera? You better give me a reasonable explanation. You’re goddamn late for the meeting and you’re wearing improper clothes in my company!” bulyaw niya rito.

          Sumilay ang mapang-insultong ngiti sa labi ni Anna. Walang takot siyang naglakad palapit kay Marco. Hindi gumalaw ang lalaki, at mariing pinaglapat ang mga labi. Galit nitong tinitigan si Anna.

          Pagkahinto sa harapan ng asawa ay nilabas ni Anna mula sa bag ang kanyang resignation letter at padabog itong nilapag sa mesa.  

          “Mr. Riego, this is my resignation letter.”

          “Resignation letter?” ulit ni Marco. He was confused.

          Gulat na gulat ang mga empleyadong naroon. Hindi sila makapaniwala na magre-resign si Anna sa harap ng maraming tao. Para bang pinaparating nito na hindi na niya kaya pang makatrabaho ang isang Marco Riego.

          “Ms. De Vera, I didn’t expect you to make a fuss like this,” sabi ni Marco. Ang mga ugat nito sa leeg ay halos naglabasan na sa galit dala nang pamamahiya na ginawa ni Anna sa kanya.

          “This is not just a fuss, Mr. Riego. Kung kulang pa ang resignation letter ko para iparating sa iyo na sawa na akong magtrabaho sa lalaking katulad mo, baka ito sasapat na…” Walang anu-anong hinampas ni Anna ang kanyang asawa gamit ang bag na kaniyang hawak.

          Mula sa bag ay nahulog ang mga dokumento sa sahig. Ang mga empleyadong malapit sa kanila ay tiningnang maigi ang bawat papel. Halos manlaki ang mga mata ng mga ito nang mapagtanto kung ano ang mga dokumentong dala ni Anna.

          Walang iba kundi ang annulment papers!